Hockey

ହକି: ଅଲିମ୍ପିକ ଯୋଗ୍ୟତା ହାସଲ ପାଇଁ ଆସନ୍ତାକାଲି ଋଷକୁ ଭେଟିବ ଭାରତ

(ଓଡିଶା ସ୍ପୋର୍ଟସ):  ଆସନ୍ତାକାଲି ଭାରତୀୟ ପୁରୁଷ ହକି ଦଳ ଅଲିମ୍ପିକ ଯୋଗ୍ୟତା ହାସଲ କରିବା ପାଇଁ କଳିଙ୍ଗ ଷ୍ଟାଡିୟମରେ ଋଷ ସହ ମୁକାବିଲା କରିବ । ଦୁଇ ଦିନ ଧରି ଦୁଇଟି ପର୍ଯ୍ୟାୟରେ ହେବାକୁ ଥିବା ମ୍ୟାଚରେ ଭାରତକୁ ଋଷକୁ ହାଲୁକା ଭାବେ ନ ନେଇ ନିଜର ସାମର୍ଥ୍ୟ ଅନୁରୂପ ପ୍ରଦର୍ଶନ କରିବାକୁ ପଡିବ । ଅନ୍ୟପକ୍ଷେ ମହିଳା ଦଳକୁ ଆମେରିକାର କଡା ଚ୍ୟାଲେଞ୍ଜର ସମ୍ମୁଖୀନ ହେବାକୁ ପଡିବ । ଉଭୟ ପୁରୁଷ ଓ ମହିଳା ଭାରତୀୟ ହକି ଦଳ ୨୦୨୦ ଟୋକିଓ ଅଲିମ୍ପିକ୍ସରେ ପ୍ରବେଶ ପାଇଁ କେବଳ ଦୁଇଟି ମ୍ୟାଚ ଦୁରରେ ରହିଛି । ଦଳର ଅଧିନାୟକ ମନପ୍ରୀତ ସିଂହଙ୍କ ନେତୃତ୍ୱାଧୀନରେ ଆସନ୍ତାକାଲି ସନ୍ଧ୍ୟା ୮ଟାରେ କଳିଙ୍ଗ ଷ୍ଟାଡିୟମରେ ଋଷକୁ ଭେଟିବ ।
ଉଭୟ ଦଳ ଶୁକ୍ରବାର ଓ ଶନିବାର କ୍ରମାଗତ ଦୁଇଟି ମ୍ୟାଚ ଖେଳିବେ । ଦୁଇ ମ୍ୟାଚର ମୁକାବିଲାରେ ବିଜେତା ଦଳ ୨୦୨୦ ଟୋକିଓ ଅଲିମ୍ପିକ୍ସ ପାଇଁ ନିଜର ସ୍ଥାନ ସୁନିଶ୍ଚିତ କରିନେବ । ବିଶ୍ୱ ମାନ୍ୟତାରେ ପଞ୍ଚମ ସ୍ଥାନରେ ଥିବା ଭାରତ ଋଷକୁ ସହଜରେ ପରାସ୍ତ କରିପାରିବ ବୋଲି ହକି ପ୍ରେମୀମାନେ ଆଶା ରଖିଛନ୍ତି । ଗୋଟିଏ ମ୍ୟାଚରେ ହାରିଲେ ଭାରତର ଅଲିମ୍ପିକ ସ୍ୱପ୍ନ ଧୁଳିସାତ ହୋଇଯିବ ବୋଲି କୋଚ ଗ୍ରାହମ ରିଡ ବେଶ ଭଲ ଭାବେ ଜାଣିଛନ୍ତି । ତେଣୁ ଭାରତୀୟ ଦଳକୁ ଦୁଇଟି ମ୍ୟାଚରେ ନିଶ୍ଚିତ ବିଜୟ ହାସଲ କରିବାକୁ ଯଥାସାଧ୍ୟ ଚେଷ୍ଟା କରିବାକୁ ପଡିବ ।

Related posts

ଓଡ଼ିଶା ପୁରୁଷ ହକି ବିଶ୍ୱକପ ସେମିଫାଇନାଲ

odishasports

ହକି ବିଶ୍ୱକପ୍ ର ଦୁଇ ଗୁରୁତ୍ୱପୂର୍ଣ୍ଣ ମ୍ୟାଚ୍ ବେଲଜିୟମ-ଦକ୍ଷିଣ ଆଫ୍ରିକା ଓ ଭାରତ-କାନାଡ଼ା

odishasports

୧୫୦ ତମ ମ୍ୟାଚ ଖେଳି ରେକର୍ଡ଼ କଲେ ଓଡ଼ିଆ ଝିଅ ଲିଲିମା

odishasports

Leave a Comment