Football

୧୬ବର୍ଷର ପୁରୁଣା ରେକର୍ଡ ଭାଙ୍ଗିଲେ ଫାତୀ

(ଓଡିଶା ସ୍ପୋର୍ଟସ): ବର୍ଷିଲୋନାର ଅଂଶୁ ଫାତୀ ଚମ୍ପିଆନସ୍ ଲିଗ୍ ଇତିହାସରେ ଗୋଲ କରିବାରେ ସବୁଠାରୁ ଯୁବ ଖେଳାଳୀ ହୋଇଛନ୍ତି । ଫାତୀ ୧୭ ବର୍ଷ ୪୦ ଦିନ ବୟଷରେ ଗୋଲ କରି ଘାନାର ପିଟର ଅଫେରୀ କ୍ୱାଏଙ୍କ ୧୬ ବର୍ଷର ପୁରୁଣା ରେକର୍ଡ ଭାଙ୍ଗିଛନ୍ତି । ପିଟର ୧ ଅକ୍ଟୋବର ୧୯୯୭ ଅଲମ୍ପିୟାକୋସ୍ ତରଫରୁ ଖେଳୀ ରୋସେନବର୍ଗ ବିପକ୍ଷରେ ୧୭ ବର୍ଷ ୧୯୫ ଦିନ ବୟଷରେ ଗୋଲ କରି ଏହି ରେକର୍ଡ କରିଥିଲେ ।

ଫାତି(୮୬ତମ ମିନିଟ୍)ଙ୍କ ଏହି ଗୋଲ ସାହାଯ୍ୟରେ ବର୍ଷିଲୋନା ଇଣ୍ଟର ମିଲନଙ୍କୁ ୨-୧ରେ ପରାସ୍ତ କରି ଟୁର୍ଣ୍ଣାମେଣ୍ଟରୁ ବାହାର କରିଦେଇଛି । ଫାତି ୮୫ତମ ମିନିଟରେ ସ୍ଥାନାପତ୍ର ଖେଳାଳୀ ରୂପେ ପଡିଆକୁ ଓହ୍ଲାଇଥିଲେ ଏବଂ ଏକ ମିନିଟ୍ ମଧ୍ୟରେ ଗୋଲ୍ କରିଥିଲେ । ଏହା ତାଙ୍କର ଚମ୍ପିଆନ୍ସ୍ ଲିଗରେ ପ୍ରଥମ, ଯେତେବେଳେ କି ବର୍ଷିଲୋନା ପାଇଁ ଏହା ତୃତୀୟ ଗୋଲଥିଲା । ସେ ଦୁଇଟି ଗୋଲ୍ ଲା ଲିଗରେ କରିଥିଲେ । ବର୍ଷିଲୋନା ପାଇଁ ଗୋଟିଏ ଗୋଲ୍ କାର୍ଲେସ ପେରେଜ ୨୩ତମ ମିନିଟରେ କରିଥିଲେ । ଇଣ୍ଟର ମିଲାନ ପାଇଁ ୪୪ତମ ମିନିଟରେ ଏକମାତ୍ର ଗୋଲ୍ ରୋମେଲୁ ଲୁକାକୁ କରିଥିଲେ । ପ୍ରଥମରୁ ଅନ୍ତିମ-୧୬ରେ ସ୍ଥାନ ସୁରକ୍ଷିତ କରିନେଇଥିବା ବର୍ଷିଲୋନା ଗ୍ରୁପ୍ ଏଫ୍ରେ ଶୀର୍ଷ ସ୍ଥାନରେ ରହିଛି । ସେ ୬ଟି ମ୍ୟାଚରୁ ୪ଟିରେ ବିଜୟ ହୋଇଛନ୍ତି, ଯେତେବେଳେ କି ଦୁଇଟି ଡ୍ର ରହିଛି ।

Related posts

୨୪ରୁ ଭାରତୀୟ ମହିଳା ଫୁଟ୍‌ବଲ ଲିଗ୍‌ ୨୦୧୯-୨୦

odishasports

ଇଣ୍ଡିଆନ ସୁପର ଲିଗ: ଚେନ୍ନାଇୟିନ ଏଫସିକୁ ପରାସ୍ତ କଲା ଗୋଆ

odishasports

କମ୍ ପାରିଶ୍ରମିକ ବିରୁଦ୍ଧରେ ମହିଳା ଫୁଟବଲ୍ ଟିମ୍ ଗୋଲ୍ ସ୍କୋରକୁ ୨୦ ପ୍ରତିଶତ କମ୍ ଲେଖିଲେ

odishasports

Leave a Comment