ୱୁସୁରେ ଇତିହାସ ରଚିଲେ ରାଜକୁମାରୀ ଚାନୁ । ଚାଙ୍ଗକ୍ୱାନ୍ ଇଭେଣ୍ଟରେ ଜିତିଲେ ବ୍ରୋଞ୍ଜ । ଏହା ସହ ୱୁସୁରେ ଯୁବ ଓଲିମ୍ପିକ୍ସ ପଦକ ଜିତିବାରେ ପ୍ରଥମ ଭାରତୀୟ ହୋଇଛନ୍ତି ମଣିପୁରର ଏହି ଖେଳାଳି । ମଙ୍ଗଳବାର ମହିଳା ଚାଙ୍ଗକ୍ୱାନ୍ ମିଳିତ ଇଭେଣ୍ଟରେ ମୋଟ ୧୮.୦୩୯ ପଏଣ୍ଟ ହାସଲ କରି ତୃତୀୟ ସ୍ଥାନରେ ରହିଥିଲେ ରାଜକୁମାରୀ । ଏହି ଇଭେଣ୍ଟରେ ଇଜିପ୍ଟର ସୋଣ୍ଡୋସ୍ ସୋନବୋଲ୍ ୧୮.୬୬୦ ପଏଣ୍ଟ ସହ ସ୍ୱର୍ଣ୍ଣ ଏବଂ ଭେନେଜୁଏଲାର ଭାଲେରିଆ ଫ୍ରାନ୍ସିସ୍ ଡୁଡାମେଲ୍ ୧୮.୧୯୯ ପଏଣ୍ଟ ସହ ରୌପ୍ୟ ପଦକ ଜିତିଛନ୍ତି ।

ଅନ୍ୟପଟେ ଡାକାର୍ ଯୁବ ଓଲିମ୍ପିକ୍ସରେ ଭାରତର ପଦକ ଅଭିଯାନ ଜାରି ରହିଛି । ଏପର୍ଯ୍ୟନ୍ତ ଗୋଟିଏ ରୌପ୍ୟ ଏବଂ ଦୁଇଟି ବ୍ରୋଞ୍ଜ ସହ ମୋଟ ତିନିଟି ପଦକ ଜିତିଛି ଭାରତ । ଏହାପୂର୍ବରୁ ଜୁଡୋରେ ଖୁସବୁ ରାଜକଭାଇ ରୌପ୍ୟ ପଦକ ଜିତିଥିବା ବେଳେ ସନ୍ତରଣରେ ଧିନିଧି ଦେସିଙ୍ଘୁ ମହିଳା ୧୦୦ ମିଟର ଫ୍ରିଷ୍ଟାଇଲ୍ରେ ବ୍ରୋଞ୍ଜ ପଦକ ହାସଲ କରିଥିଲେ । ଏହି ସଫଳତା ସହ ଯୁବ କ୍ରୀଡ଼ା ମଞ୍ଚରେ ଭାରତୀୟ ଖେଳାଳିଙ୍କ ଦମ୍ଦାର ପ୍ରଦର୍ଶନ ଜାରି ରହିଛି ।

