ଆଜିର WPL-2026ର ମେଗା ଅକ୍ସନ, ଇତିହାସ ସୃଷ୍ଟି କରିଛି । ପ୍ରଥମ ଥର ଜଣେ ଖେଳାଳିଙ୍କୁ ଫେରାଇ ଆଣିବା ପାଇଁ, ରାଇଟ୍ ଟୁ ମ୍ୟାଚ୍ କାର୍ଡ ବ୍ୟବହାର କରାଯାଇଥିଲା । ଆଉ ଏହି ସୌଭାଗ୍ୟ, ଭାରତର ଷ୍ଟାର ଅଲରାଉଣ୍ଡର ଦୀପ୍ତି ଶର୍ମାଙ୍କ ପାଖକୁ ଯାଇଥିଲା। ଦୀପ୍ତିଙ୍କୁ ₹3.2 କୋଟି ଟଙ୍କା ବିନିମୟରେ, ତାଙ୍କ ପୁରୁଣା ଦଳ UP ୱାରିୟର୍ସ ଦଳରେ ସାମିଲ କରିଛି । ଦୀପ୍ତି ଶର୍ମା ନିଲାମରେ ପ୍ରଥମ ସେଟ୍ ମାର୍କି ଖେଳାଳିଙ୍କ ଅଂଶ ଥିଲେ । ତାଙ୍କ ପାଇଁ ନିଲାମ ଧୀର ଆରମ୍ଭ ହୋଇଥିଲା। ପ୍ରାରମ୍ଭିକ ନିଲାମରେ, ଦିଲ୍ଲୀ କ୍ୟାପିଟାଲ୍ସ ₹50 ଲକ୍ଷରେ ତାଙ୍କୁ କିଣିବାକୁ ଚେଷ୍ଟା କରିଥିଲା।
