Football

କଳିଙ୍ଗ ଷ୍ଟାଡିୟମରେ ମିଆଁମାର ବିଜୟୀ

(ଓଡିଶା ସ୍ପୋର୍ଟ): କଳିଙ୍ଗ ଷ୍ଟାଡିୟମରେ ଆୟୋଜିତ ପ୍ରଥମ ଗୋଲଡ କପ ମହିଳା ଫୁଟବଲ ପ୍ରତିଯୋଗିତାର ମିଆଁମାର ବିଜେତା ହୋଇଛି। ଶୁକ୍ରବାର ଫାଇନାଲରେ ମିଆଁମାର ୩-୧ ଗୋଲରେ ନେପାଳକୁ ପରାସ୍ତ କରି ଅପରାଜେୟ ରହିଥିଲା। ବିଜେତା ଟ୍ରଫି ସହ ମିଆଁମାର ୭ ଲକ୍ଷ ଟଙ୍କାର ପ୍ରଥମ ପୁରସ୍କାର ରାଶି ମଧ୍ୟ ପ୍ରଧାନ କରାଯାଇଥିଲା । ୧୭ ମିନିଟରେ ମିଆଁମାରକୁ ଏକ ସୁବର୍ଣ୍ଣ ସୁଯୋଗ ମିଳିଥିଲା। ୩୪ତମ ମିନିଟରେ ୟି ୟି ଓ’ଙ୍କ ଗୋଲରେ ମିଆଁମାର ଆଗୁଆ ହୋଇଯାଇଥିଲା। ହେଲେ ପ୍ରଥମାର୍ଧର ଶେଷ ମିନିଟରେ ନେପାଳ ଏହି ଗୋଲଟିକୁ ଶୁଝି ଦେଇଥିଲା। ମଧ୍ୟଭାଗ ଖେଳାଳି ମଞ୍ଜଳି କୁମାରୀ ୟୋନଜାନ (୪୫ ମିନିଟ୍)ଙ୍କ ଗୋଲରେ ସ୍ଥିତି ୧-୧ ଆଣି ମିଆଁମାର ଉପରେ ଚାପ ପକାଇଥିଲା। ଦ୍ବିତୀୟାର୍ଧରେ ୱିନ ଥେଙ୍ଗି ତୁନ (୫୩ ମିନିଟ୍)ଙ୍କ ଗୋଲରେ ମିଆଁମାର ପୁଣି ଆଗୁଆ ହୋଇଯାଇଥିଲା। ୬୨ତମ ମିନିଟରେ ୟି ୟି ଓ’ ବ୍ୟକ୍ତିଗତ ଦ୍ବିତୀୟ ଗୋଲ ଦେବା ସହ ଦଳକୁ ୩-୧ରେ ଆଗୁଆ କରିଥିଲେ। ଏହାପରେ ନେପାଳ ବହୁ ଚେଷ୍ଟା କରି ମଧ୍ୟ ଗୋଲ୍ ଦେଇପାରିନଥିଲା।

ଉଦ୍ୟାପନୀ ଉତ୍ସବରେ ଅତିଥି ଭାବେ ଉନ୍ନୟନ ସଚିବ ତଥା ଅତିରିକ୍ତ ମୁଖ୍ୟ ଶାସନ ସଚିବ ଅସିତ କୁମାର ତ୍ରିପାଠୀ, କ୍ରୀଡ଼ା ସଚିବ ବିଶାଳ ଦେବ, ଏଆଇଏଫ୍ଏଫ୍ର ମହାସଚିବ କୁଶାଲ ଦାସ ଏବଂ ବୈଷୟିକ ଅଧିକାରୀ ଅଭିଷେକ ଯାଦବ ଯୋଗ ଦେଇ ପୁରସ୍କାର ପ୍ରଦାନ କରିଥିଲେ।

Related posts

କୋଭିଡ୍-୧୯ ମଧ୍ୟରେ ଜର୍ମାନୀରେ ୬୬ ଦିନ ପରେ ଆଜିଠାରୁ ଫୁଟବଲ୍ ଆରମ୍ଭ

ଭାରତରେ ପୁରୁଷ ଫିଫା ବିଶ୍ୱକପ ପରେ ମହିଳା ବିଶ୍ୱକପ

Odisha Sports Bureau

ଯଦି ଆମେରିକା ଫିଫା ବିଶ୍ୱକପ୍ ଜିତିଯାଏ, ତେବେ ଚନ୍ଦ୍ରରେ ଫୁଟବଲ୍ ଖେଳାଯିବ!