ଫିଫା ବିଶ୍ୱକପ୍ : ଆଜିଠାରୁ ନକ୍ ଆଉଟ ରାଉଣ୍ଡ

ଦୋହା : ଆରମ୍ଭ ହେବାକୁ ଯାଉଛି ଚଳିତ କତାର ଫିଫା ବିଶ୍ୱକପ୍ରେ ଶନିବାରଠୁ ନକ୍ ଆଉଟ୍ (ରାଉଣ୍ଡ-୧୬) ପର୍ୟ୍ୟାୟ । ବିଜୟୀ ଦଳ ଏହି ପର୍ଯ୍ୟାୟର କ୍ୱାର୍ଟର ଫାଇନାଲ୍ରେ କରିବେ ପ୍ରବେଶ ।ପରାଜିତ ଦଳଙ୍କ ଅଭିଯାନ ଶେଷ ହେବ । ରାଉଣ୍ଡ୍-୧୬ର ପ୍ରଥମ ମ୍ୟାଚ୍ ନେଦରଲାଣ୍ଡ୍ସ ଓ ୟୁଏସଏ ମଧ୍ୟରେ ଖେଳାଯିବ। ଏହି ମ୍ୟାଚ୍ରେ ବିଜୟ ସମ୍ଭାବନା ୫୦ପ୍ରତିଶତ ନେଦରଲାଣ୍ଡ୍ସର ଏବଂ ୟୁଏସଏର ୨୨ ପ୍ରତିଶତ ରହିଛି । ୧୯୯୮ରୁ ୨୦୧୦ ମଧ୍ୟରେ ନେଦରଲାଣ୍ଡ୍ସ ୪ଟି ମ୍ୟାଚ୍ ଜିତିଥିଲା । ୨୦୧୫ରେ ଅନୁଷ୍ଠିତ ମ୍ୟାଚରେ ଆମେରିକା ବିଜୟ ହାସଲ କରିଥିଲା । ବିଶ୍ୱକପ୍ରେ ଉଭୟ ଦଳ ପରସ୍ପରକୁ ପ୍ରଥମ କରି ଭେଟିବେ । ପୂର୍ବରୁ ଉଭୟଙ୍କ ମଧ୍ୟରେ ୫ଟି ବନ୍ଧୁତ୍ୱପୂର୍ଣ୍ଣ ମ୍ୟାଚ୍ ଖେଳାଯାଇଥିଲା । ୟୁରୋପୀୟ ଦେଶ ବିପକ୍ଷରେ ଆମେରିକା ଶେଷ ୧୧ଟି ବିଶ୍ୱକପ ମ୍ୟାଚ୍ ଜିତିପାରି ନାହିଁ । ୨୦୦୨ ବିଶ୍ୱକପ୍ରେ ଆମେରିକା ୩-୨ ଗୋଲ୍ରେ ପର୍ତ୍ତୁଗାଲକୁ ହରାଇଥିଲା । ଏହାପରେ ଦଳ ୟୁରୋପୀୟ ଦେଶ ବିପକ୍ଷରେ ୫ଟି ମ୍ୟାଚ ପରାଜିତ ହୋଇଛି ଓ ୬ଟି ମ୍ୟାଚ ଜିତିଛି । ୭ଟି ମ୍ୟାଚ୍ ଜିତିଥିବାବେଳେ ୩ଟି ମ୍ୟାଚ ଡ୍ର’ ରହିଛି । କୋଚ ଲୁଇସ ଭାନ ଗାଲଙ୍କ ଅଧିନରେ ନେଦରଲାଣ୍ଡସ ବିଶ୍ୱକପରେ ୧୦ଟି ମ୍ୟାଚ ଅପରାଜେୟ ରହିଛି ।