କୋଲକାତା: ଇଡେନଗାର୍ଡେନ ଷ୍ଟାଡିୟମରେ ଲାଗିଲା ନିଆଁ । ସର୍ଟସର୍କିଟ ଯୋଗୁଁ ଗତକାଲି ରାତି୯ଟା ସମୟରେ ନିଆଁ ଲାଗିଛି । ଡ୍ରେସିଂ ରୁମରେ ନିଆଁ ଲାଗି ସଂମ୍ପୂର୍ଣ୍ଣ ରୂପେ ଜଳିଯାଇଛି । ନିଆଁ ଲିଭାଇବାପାଇଁ ଅଗ୍ନିଶମ ବିଭାଗ ନିୟୋଜିତ ଅଛନ୍ତି ।
ଅକ୍ଟୋବର ୫ରୁ ବୁଶ୍ୱକପ ମ୍ୟାଚ ଅରମ୍ଭ ହେବାକୁ ଯାଉଛି । ଏହି ମ୍ୟାଚକୁ ନଜରରେ ରଖି ଷ୍ଟାଡିୟମରେ ରିନୋଭେସନ କାର୍ଯ୍ୟ ଆରମ୍ଭ କରାଯାଇଛି । ହଠାତ ନିଆଁ ଲାଗିବା ଯୋଗୁଁ ଷ୍ଟାଡିୟମର ଡ୍ରେସିଂ ରୁମ ଜଳି ପାଉଁଶ ହୋଇଯାଇଛି ।ଡ୍ରେସିଂରୁମରେ ଥିବା ସବୁ ଜିନିଷ ପୋଡିଯାଇଛି ।ତେବେ ଏହି ଦୁର୍ଘଟଣାରେ କେହି ଆହାତ ହୋଇନଥିବାର ସୂଚନା ମିଳିଛି ।
ଷ୍ଟାଡିୟମରେ ବିଶ୍ୱକପ ୨୦୨୩ର ମ୍ୟାଚ୍ ୨୮ ଅକ୍ଟୋବରରେ ହେବାକୁ ରହିଛି । ଏଠାରେ ସେମିଫାଇନାଲ ସହିତ ୫ଟି ମ୍ୟାଚ୍ ଖେଳାଯିବ । ତେଣୁ ଷ୍ଟାଡିୟମ କାମ ଜୋରସୋରରେ ଚାଲିଥିଲା । ଆଉ ଏହି ଘଟଣା କ୍ରିକେଟ ଆସୋସିଏସନ ଅଫ ବଙ୍ଗାଳର ଚିନ୍ତା ବଢାଇଦେଇଛି । ସିଏବିର ସଚିବ ଦେବବ୍ରତ ଦାସ ଷ୍ଟାଡିୟମରେ ପହଞ୍ଚି ତଦାରଖ କରୁଛନ୍ତି ।
