ପ୍ରତ୍ୟେକ ନୂତନ IPL ସିଜିନ୍ ଆରମ୍ଭ ହେବାର କିଛି ମାସ ପୂର୍ବରୁ, MS ଧୋନୀ ଅବସର ନେବେ କି ନାହିଁ ସେ ବିଷୟରେ ଆଲୋଚନା ଆରମ୍ଭ ହୁଏ। ଏହି ସମୟରେ, ଚେନ୍ନାଇ ସୁପର କିଙ୍ଗ୍ସ ପ୍ରଶଂସକମାନଙ୍କ ପାଇଁ ଏକ ବଡ଼ ଖବର ଅଛି। ଦଳର ସିଇଓ କେସି ବିଶ୍ୱନାଥନ ନିଶ୍ଚିତ କରିଛନ୍ତି ଯେ ପୂର୍ବତନ ଅଧିନାୟକ ଏବଂ କିମ୍ବଦନ୍ତୀ ମହେନ୍ଦ୍ର ସିଂହ ଧୋନୀ ଆଗାମୀ IPL ୨୦୨୬ ସିଜିନ୍ରେ ପୁଣି ଥରେ ପଡ଼ିଆକୁ ଓହ୍ଲାଇବେ। ଏହି ଖବର ୪୪ ବର୍ଷୀୟ ଧୋନିଙ୍କ ଅବସର ନେଇ ଚାଲିଥିବା କଳ୍ପନାଜଳ୍ପନାର ଅନ୍ତ ଘଟାଇଛି।
ସିଏସକେର ସିଇଓ କେସି ବିଶ୍ୱନାଥନ ଏକ ସମ୍ପ୍ରତିକ କାର୍ୟ୍ୟକ୍ରମରେ ଧୋନୀ ୨୦୨୬ ମସିହାରେ ଆଇପିଏଲକୁ ଫେରିବା ନିଶ୍ଚିତ କରି କହିଛନ୍ତି, “ନା, ସେ ଏହି ଆଇପିଏଲ ପାଇଁ ଅବସର ନେଉନାହାଁନ୍ତି।” ଏହି ଘୋଷଣା ପ୍ରଶଂସକମାନଙ୍କ ପାଇଁ ଏକ ବଡ଼ ଆଶ୍ୱସ୍ତି ଆଣିଛି, ବିଶେଷକରି ଗତ ସିଜନରେ ଦଳର ଖରାପ ପ୍ରଦର୍ଶନ ପରେ। ଗତ ସିଜନରେ, ଧୋନି ୧୪ଟି ମ୍ୟାଚ୍ରେ ୨୪.୫୦ ହାରରେ ୧୯୬ ରନ୍ କରିଥିଲେ, ଯଦିଓ ତାଙ୍କର ଷ୍ଟ୍ରାଇକ୍ ରେଟ୍ ପୂର୍ବ ସିଜନ ତୁଳନାରେ କମ୍ ଥିଲା।
ଧୋନି ୨୦୨୦ ମସିହାରେ ଅନ୍ତର୍ଜାତୀୟ କ୍ରିକେଟରୁ ଅବସର ନେଇଥିଲେ ଏବଂ ଶେଷ IPL ସିଜିନ୍ ପାଇଁ ଋତୁରାଜ ଗାୟକୱାଡଙ୍କୁ ଅଧିନାୟକତ୍ୱ ହସ୍ତାନ୍ତର କରିଥିଲେ। ଏହା ସତ୍ତ୍ୱେ, ଧୋନୀଙ୍କ ଉପସ୍ଥିତି ଦଳ ପାଇଁ ଅତ୍ୟନ୍ତ ଗୁରୁତ୍ୱପୂର୍ଣ୍ଣ, ଯାହା ଏହାକୁ ସବୁଠାରୁ ସଫଳ ଦଳ ମଧ୍ୟରୁ ଗୋଟିଏ କରିଥାଏ। CSK ଏହି ସିଜିନ୍ ରେ ପୁନରାଗମନ କରିବାକୁ ଆଶା କରିବ, ଏବଂ ଧୋନୀ ଏଥର ଟ୍ରଫି ଉପରେ ନଜର ରଖିବେ।ଚେନ୍ନାଇ ସୁପର କିଙ୍ଗସ୍ ଆଇପିଏଲ୍ ଇତିହାସରେ ପାଞ୍ଚଟି ଟ୍ରଫି ଜିତିଛି, ସବୁକିଛି ଏମ୍ଏସ୍ ଧୋନୀଙ୍କ ଅଧିନାୟକତ୍ୱରେ। ଧୋନୀଙ୍କ କାର୍ୟ୍ୟକାଳରେ ଦଳ ପ୍ରାୟ ପ୍ରତ୍ୟେକ ସିଜିନରେ ପ୍ଲେଅଫ୍ ପର୍ୟ୍ୟନ୍ତ ପହଞ୍ଚିଥିଲା, କିନ୍ତୁ ଏମ୍ଏସ୍ ଧୋନି ଅଧିନାୟକ ପଦ ଛାଡିବା ପରେ, ଦଳର ପ୍ରଦର୍ଶନ ହ୍ରାସ ପାଇଲା। ଧୋନି ଆଜି ପର୍ୟ୍ୟନ୍ତ ଚେନ୍ନାଇ ସୁପର କିଙ୍ଗସ୍ର ନେତା ରହିଛନ୍ତି।
