ବାଂଲାଦେଶ ଟୁର ପାଇଁ ଭାରତୀୟ ମହିଳା କ୍ରିକେଟ ଟିମ୍ ଘୋଷଣା ହୋଇସାରିଛି । ବାଂଲାଦେଶ ବିପକ୍ଷରେ ଟିମ୍ ୩ଟି ଲେଖାଏଁ ଦିନିକିଆ ଏବଂ ଟି-୨୦ ମ୍ୟାଚ ଖେଳିବ । ୯ ଜୁଲାଇରୁ ଆରମ୍ଭ ହେବାକୁ ଯାଉଥିବା ଏହି ସିରିଜର ସମସ୍ତ ମ୍ୟାଚ୍ ମିରପୁରର ଶେର ଏ ବାଂଲା ନ୍ୟାସନାଲ କ୍ରିକେଟ ଷ୍ଟାଡିୟମରେ ଖେଳାଯିବ । ଟିମରେ ରେଣୁକା ସିଂ, ରିଚା ଘୋଷ, ଅଲରାଉଣ୍ଡର ଶିଖା ପାଣ୍ଡେ ଏବଂ ରାଜେଶ୍ୱରୀ ଗାୟକଓ୍ଵାଡଙ୍କୁ ସ୍ଥାନ ମିଳିନାହିଁ । ତେବେ ଟିମରେ ଏମାନଙ୍କୁ ସ୍ଥାନ ନମିଳିବା ନେଇ ବିସିସିଆଇ ଦ୍ୱାରା କୌଣସି ବିଜ୍ଞପ୍ତି ପ୍ରକାଶ କରାଯାଇନାହିଁ ।
ବାଂଲାଦେଶ ଟୁର ପାଇଁ ବିସିସିଆଇ ମହିଳା କ୍ରିକେଟ ଟିମରେ ପରିବର୍ତ୍ତନ କରିଛି । ରିଚା ଘୋଷଙ୍କ ସ୍ଥାନରେ ଉମା ଛେତ୍ରୀଙ୍କୁ ସ୍ଥାନ ମିଳିଛି । କେରଳର ଅଲରାଉଣ୍ଡର ମିନ୍ନୁ ମଣି, ଅନୁଷା ବରେଡ୍ଡୀ, ରାଶି କନୋଜିୟାଙ୍କୁ ମଧ୍ୟ ଟି୨୦ ଏବଂ ଦିନିକିଆ ପାଇଁ ସ୍ଥାନ ମିଳିଛି । ଟିମର ଅଧିନାୟକ ଦାୟିତ୍ୱ ହରମନପ୍ରୀତ କୌରଙ୍କୁ ମିଳିଥିବା ବେଳେ ଉପ ଅଧିନାୟକ ଦାୟିତ୍ୱ ସ୍ମୃତି ମନ୍ଧାନାଙ୍କୁ ମିଳିଛି ।
