ଭୁବନେଶ୍ୱର: ଆଜି ଆୟୋଜକ ଭାରତ ଶେଷ ଲିଭ ମ୍ୟାଚ ଖେଳିବ ଫିଫା ଅଣ୍ଡର- ୧୭ ମହିଳା ବିଶ୍ୱକପରେ । ବ୍ରାଜିଲ ଭାରତ ମଧ୍ୟରେ ଆଜି କଳିଙ୍ଗଷ୍ଟାଡିଅମରେ ଆୟୋଜିତ ହେବ ଏହି ମ୍ୟାଚ୍ । ଭାରତ ଆଗରୁ ଖେଳିଥିବା ୨ଟି ମ୍ୟାଚରେ ହାରିସାରିଛି । ଗ୍ରୁପ ଏ ରେ ପଏଣ୍ଟ ଟେବୁଲ ଶେଷ ସ୍ଥାନରେ ରହିଛି ଭାରତ । ପ୍ରଥମ ମ୍ୟାଚରେ ଭାରତ ଆମେରିକା ସହ ୮.୦ ଗୋଲରେ ହାରିଥିଲା । ୨ୟ ମ୍ୟାଚରେ ମରୋକ୍କୋ ଠାରୁ ୩.୦ ଗୋଲରେ ପରାସ୍ତ ହୋଇଥିଲା ।
ତେଣୁ ଭାରତର ନକଆଉଟ ପର୍ଯ୍ୟାୟକୁ ଯିବା ସମ୍ଭାବନା ଶେଷ ହୋଇଛି । ସେପଟେ ବ୍ରାଜିଲ ୨ଟି ମ୍ୟାଚ ଖେଳି ଗୋଟିଏ ଜିତିଥିବା ବେଳେ ୪ ପଏଣ୍ଟ ପାଇଁ ୨ୟ ସ୍ଥାନରେ ରହିଛି । କଳିଙ୍ଗ ଷ୍ଟାଡିଅମରେ ଆଜିର ୨ୟ ମ୍ୟାଚରେ ମୁହାଁମୁହିଁ ହେବେ ନାଇଜେରିଆ ଓ ଚୀନ । ଅପରାହ୍ନ ସାଢେ ଚାରିଟାରେ ଏହି ମ୍ୟାଚ ରହିଛି । ଗ୍ରୁପ-ବି ରେ ନାଇଜେରିଆ ପଏଣ୍ଟ ଟେବୁଲର ୨ୟ ସ୍ଥାନରେ ରହିଥିବା ବେଳେ ଚୀନ ୩ୟ ସ୍ଥାନରେ ରହିଛି ।
