ଆଇପିଏଲ୍ ୨୦୨୩ ଟାଇଟଲ ଜିତିଲା ଧୋନୀ ବାହିନୀ। ବର୍ଷା ଓ ଗୁଜରାଟକୁ ମାତ୍ ଦେଇ ଚାମ୍ପିଅନର ଖିତାବ୍ ହାସିଲ କଲା ଚେନ୍ନାଇ ସୁପରକିଙ୍ଗସ। ଗତକାଲି ଅହମଦାବାଦ ସ୍ଥିତ ନରେନ୍ଦ୍ର ମୋଦି ଷ୍ଟାଡିୟମରେ ଆୟୋଜିତ ଫାଇନାଲ ମ୍ୟାଚରେ ଗୁଜରାଟ ଟାଇଟନ୍ସକୁ ୫ ୱିକେଟରେ ପରାସ୍ତ କରିଛି ଚେନ୍ନାଇ। ଶେଷ ଦୁଇ ବଲ୍ରୁ ୧୦ ରନ୍ ଆବଶ୍ୟକ ଥିବାବେଳେ ମୋହିତ ଶର୍ମାଙ୍କୁ ଛକା ଓ ଚୌକା ମାରି ରବୀନ୍ଦ୍ର ଜାଦେଜା ଏହାକୁ ଧୋନିଙ୍କ ଷ୍ଟାଇଲରେ ଶେଷ କରିଥିଲେ। ଏହି ବିଜୟ ସହ ପଞ୍ଚମ ଥର ପାଇଁ ଆଇପିଏଲ ଟାଇଟଲ ହାସଲ କରିଛି ଚେନ୍ନାଇ । ଆଇପିଏଲ ଇତିହାସରେ ମୁମ୍ବାଇର ୫ଟି ଟାଇଟଲ ସହ ଚେନ୍ନାଇ ସମକକ୍ଷ ହୋଇଛି ।
ତେବେ ଏବେ ସମାଲୋଚକମାନେ ଗୁଜରାଟ ଟାଇଟନ୍ସର ହାରିବା ସହ ଅଭିନେତ୍ରୀ ସାରା ଅଲ୍ଲୀ ଖାନ୍ଙ୍କୁ ଯୋଡୁଛନ୍ତି। ଆପଣ ଜାଣନ୍ତି ଯେ ଆଇପିଏଲ୍ର ଫାଇନାଲ୍ ମ୍ୟାଚ୍ ଦେଖିବାକୁ ଅଭିନେତା ଭିକି କୌଶଲ ଓ ସାରା ଯାଇ ଷ୍ଟାଡିୟମ୍ରେ ପହଞ୍ଚିଥିଲେ। ସେ ତାଙ୍କର ଅପ୍କମିଂ ଫିଲ୍ମ ‘ଜରା ହଟ୍କେ ଜରା ବଚ୍କେ’ର ପ୍ରମୋସନ ପାଇଁ ପହଞ୍ଚିଥିଲେ | ଏ ନେଇ ଟ୍ରୋଲର୍ସ ଜବରଦସ୍ତ ଶୁଭମନ୍ ଗିଲ୍ଙ୍କୁ ସାରାଙ୍କ ସହ ଯୋଡ଼ି ନାନା କଥା କହିବା ଆରମ୍ଭ କରିଛନ୍ତି।
ତେବେ ଏକ ଭିଡିଓରେ ଦେଖିବାକୁ ମିଳିଛି ଯେ ଭିକି ଓ ସାରା ଚେନ୍ନାଇ ସୁପର୍ କିଙ୍ଗ୍ସ ଜିତିବା ନେଇ ଖୁସି ମନାଉଛନ୍ତି। ହେଲେ ସାରାଙ୍କୁ ଖୁସି ହେବାର ଦେଖି କିଛି ଲୋକ ବେଶ ନାପସନ୍ଦ କରିଛନ୍ତି। ସେମାନଙ୍କୁ ସାରାଙ୍କ ଓଭର୍ଆକ୍ଟିଂ ପସନ୍ଦ ଆସିନାହିଁ। ଏଣୁ ତାଙ୍କୁ କିଛି ଲୋକ ଓଭର ଆକ୍ଟିଂ କି ଦୁକାନ ବୋଲି ବିବେଚନା କରିଛନ୍ତି | ତେବେ କିଛି ଜଣ ଏହା ବି ଅଭିଯୋଗ ଆଣିଛନ୍ତି ଯେ ସାରାଙ୍କୁ ଦେଖି ଶୁଭମନ୍ ଗିଲ୍ ଜଲ୍ଦି ଆଉଟ୍ ହୋଇଗଲେ, ଯେଉଁଥିପାଇଁ ଗୁଜୁରାଟ ଟାଇଟନ୍ସ ଜିତିପାରିଲା ନାହିଁ।
ତେବେ ଆପଣ ଜାଣିଥିବେ ଯେ ସାରା ଅଲ୍ଲୀ ଖାନ୍ ଓ ଶୁଭମନ୍ ଗିଲ୍ଙ୍କ ଡେଟିଂ ଖବର ଚର୍ଚ୍ଚା ପାଲଟିଛି। ସେ ଦୁହେଁ ପରସ୍ପରଙ୍କୁ ଅନେକ ସମୟରେ ଲୁଚି ଲୁଚି ଭେଟୁଥିବାର ଦେଖିବାକୁ ମିଳିଛି। ତେବେ ଫ୍ୟାନ୍ସଙ୍କ କହିବା କଥା ପ୍ରଥମରୁ ଗୁଜୁରାଟ ଟାଇଟନ୍ସକୁ ସମର୍ଥନ କରୁଥିଲେ ସାରା କିନ୍ତୁ ସିଏସ୍କେ ଜିତିବା ପରେ ତାହା ପାଇଁ ଚିୟର୍ଅପ୍ କରୁଛନ୍ତି’।
