ମହିଳା ରେସଲର ଭିନେଶ ଫୋଗଟଙ୍କୁ କାରଣ ଦର୍ଶାଅ ନୋଟିସ ଜାରୀ କରିଛି ଭାରତୀୟ ରେସଲିଂ ଫେଡେରେଶନ । ଡୋପିଂ ନିୟମ ଉଲ୍ଲଂଘନ ନେଇ ଭିନେଶ ଫୋଗଟଙ୍କୁ ନୋଟିସ ଜାରୀ କରାଯାଇଛି । ଦିଲ୍ଲୀ ହାଇକୋର୍ଟ ସୋମବାର ୨ ସପ୍ତାହ ମଧ୍ୟରେ ଏହି ନୋଟିସର ସମାଧାନ କର ବୋଲି ଡବ୍ଲ୍ୟୁଏଫଆଇକୁ ନିର୍ଦ୍ଦେଶ ଦେଇଛନ୍ତି । ଏସୀୟ କ୍ରୀଡାକୁ ନେଇ ଭିନେଶଙ୍କ ଅଭିଯୋଗ ଏବେ ଗୁରତ୍ୱହୀନ ହୋଇପଡିଛି । ଏହି ମାମଲାର ତୁରନ୍ତ ସମାଧାନ କରିବା ପାଇଁ କୋର୍ଟ ନିର୍ଦ୍ଦେଶ ଦେଇଛନ୍ତି । ଡବ୍ଲ୍ୟୁଏଫଆଇର ଓକିଲ କୋର୍ଟଙ୍କୁ ଜଣାଇଛନ୍ତି ଯେ, ଭିନେଶଙ୍କୁ ଟ୍ରାଏଲରେ ସାମିଲ ହେବା ପାଇଁ ଅନୁମତି ପ୍ରଦାନ କରାଯାଇଥିଲା ।
ତେବେ ବର୍ତମାନ ଭିନେଶଙ୍କ ଅଭିଯୋଗର ମାନେ ଆଉ କିଛି ନାହିଁ । ଡୋପିଂ ନିୟମ ଉଲ୍ଲଂଘନ କରିବା ଯୋଗୁ ଫେଡେରେଶନ କାରଣ ଦର୍ଶାଅ ନୋଟିସ ଜାରୀ କରିଥିଲେ । ଭିନେଶ ଫେଡେରେଶନ ବିପକ୍ଷରେ କୋର୍ଟରେ ଚ୍ୟାଲେଞ୍ଜ କରିଥିଲେ । ପରେ ତାଙ୍କ ଏସୀୟ କ୍ରୀଡା ଯୋଗ୍ୟତାପର୍ଯ୍ୟାୟ ମୁକାବିଲାରେ ଅଂଶଗ୍ରହଣ କରିବା ପାଇଁ ଅନୁମତି ମିଳିଥିଲା । ୫୩ କିଗ୍ରା ବିଭାଗରେ ସେ ମୀନାକ୍ଷୀ ଗୋୟାତଙ୍କ ନିକଟରୁ ହାରି ଯୋଗ୍ୟତା ହାସଲ କରିବାରେ ବିଫଳ ହୋଇଥିଲେ ।
