ନ୍ୟୁଜିଲ୍ୟାଣ୍ଡ ପରେ ଦକ୍ଷିଣ ଆଫ୍ରିକାକୁ ମିଳିଛି ବଡ ଝଟ୍କା ଟି -୨୦ ସିରିଜ୍ରୁ ସଂପୂର୍ଣ୍ଣ ବାଦ ପଡିଛନ୍ତି ଷ୍ଟାର ବ୍ୟାଟ୍ସମ୍ୟାନ । ବର୍ତ୍ତମାନ ଦକ୍ଷିଣ ଆଫ୍ରିକା ଟିମ୍ ପାଞ୍ଚ ମ୍ୟାଚ୍ ବିଶିଷ୍ଟ ଟି-୨୦ ସିରିଜ ପାଇଁ ନ୍ୟୁଜିଲ୍ୟାଣ୍ଡ ଗସ୍ତ କରୁଛି। ଦୁଇ ଦଳ ମଧ୍ୟରେ ସିରିଜର ଦ୍ୱିତୀୟ ଟି-୨୦ ମ୍ୟାଚ୍ ହାମିଲଟନରେ ଖେଳାଯିବ। ଏହି ମ୍ୟାଚ୍ ପୂର୍ବରୁ, ଉଭୟ ଦଳ କିଛି ବିପର୍ୟ୍ୟୟର ସମ୍ମୁଖୀନ ହୋଇଛନ୍ତି । ଆଉ ତାହାହେଲା ନ୍ୟୁଜିଲ୍ୟାଣ୍ଡର ଦୁଇ ଜଣ ଖେଳାଳି ପୂର୍ବରୁ ସିରିଜରୁ ବାଦ ପଡ଼ିଛନ୍ତି। ଏବେ ଦକ୍ଷିଣ ଆଫ୍ରିକା ମଧ୍ୟ ଏକ ଝଟକା ପାଇଛି, କାରଣ ସେମାନଙ୍କର ଜଣେ ବ୍ୟାଟସମ୍ୟାନ୍ ସମ୍ପୂର୍ଣ୍ଣ ସିରିଜରୁ ବାଦ ପଡ଼ିଛନ୍ତି । ଦକ୍ଷିଣ ଆଫ୍ରିକାର ବ୍ୟାଟ୍ସମ୍ୟାନ ଜୋର୍ଡାନ ହର୍ମନଙ୍କ ଡାହାଣ ହାମଷ୍ଟ୍ରିଙ୍ଗ୍ ଆଘାତ ଯୋଗୁଁ ନ୍ୟୁଜିଲାଣ୍ଡ ବିପକ୍ଷ ପାଞ୍ଚ ମ୍ୟାଚ୍ ବିଶିଷ୍ଟ ଟି-୨୦ ସିରିଜର ବାକି ମ୍ୟାଚ୍ ରୁ ବାଦ ପଡ଼ିଛନ୍ତି। ଦକ୍ଷିଣ ଆଫ୍ରିକା ପାଇଁ ଡେବ୍ୟୁ କରୁଥିବା ହର୍ମନ ରବିବାର ମାଉଣ୍ଟ ମାଉଙ୍ଗାନୁଇର ବେ ଓଭାଲରେ ଖେଳାଯାଇଥିବା ପ୍ରଥମ ଟି-୨୦ ମ୍ୟାଚ୍ ସମୟରେ ଫିଲ୍ଡିଂ କରୁଥିବା ସମୟରେ ଆଘାତ ପାଇଥିଲେ । ଯାହା ପରେ ସେ ମ୍ୟାଚ୍ ରେ ଆଉ କୌଣସି ଅଂଶଗ୍ରହଣ କରିପାରି ନଥିଲେ। ଦକ୍ଷିଣ ଆଫ୍ରିକା ଦଳରେ ହର୍ମନଙ୍କ ବଦଳ ଖେଳାଳିଙ୍କ ନାମ ଘୋଷଣା କରିନାହିଁ । ଜୋର୍ଡାନ ହର୍ମନଙ୍କ କଥା କହିବାକୁ ଗଲେ, ସେ ଶେଷ ମ୍ୟାଚ୍ ରେ ଦକ୍ଷିଣ ଆଫ୍ରିକା ପାଇଁ ଡେବ୍ୟୁ କରିଥିଲେ। ତଥାପି, ତାଙ୍କୁ ସେହି ମ୍ୟାଚରେ ବ୍ୟାଟିଂ କରିବାର ସୁଯୋଗ ମିଳିନଥିଲା। ସେହି ମ୍ୟାଚରେ ପ୍ରଥମେ ବ୍ୟାଟିଂ କରି ନ୍ୟୁଜିଲ୍ୟାଣ୍ଡ ଦକ୍ଷିଣ ଆଫ୍ରିକା ପାଇଁ ୯୨ରନର ଟାର୍ଗେଟ ଦେଇଥିଲା। ତେବେ ଦଳରେ ଷ୍ଟାର ବ୍ୟାଟ୍ସ ମ୍ୟାନ୍ଙ୍କୁ ବାଦ ପଡିବା ଘଟଣା ପାରଁ ଦଳ ଏବେ ଚିନ୍ତାରେ ପଡିଛି ।
ଟି- ୨୦ ସିରିଜ୍ରୁ ବାଦ୍ ପଡିଲେ ଦକ୍ଷିଣ ଆଫ୍ରିକାର ଷ୍ଟାର ଖେଳାଳି ।
