ନୂଆଦିଲ୍ଲୀ: ତୃତୀୟ ଟି-୨୦ ମ୍ୟାଚରେ ଭାରତୀୟ କ୍ରିକେଟ ଦଳ ନ୍ୟୁଜିଲ୍ୟାଣ୍ଡକୁ ୮ ୱିକେଟରେ ପରାସ୍ତ କରିଛି। ଅଭିଷେକ ଶର୍ମା ଓ ସୂର୍ଯ୍ୟକୁମାର ଯାଦବଙ୍କ ବିସ୍ଫୋରକ ବ୍ୟାଟିଂ ଦ୍ୱାରା ଭାରତ ସହଜ ଜୟ ହାସଲ କରିଥିଲା। ଅଭିଷେକ ଶର୍ମା ମାତ୍ର ୨୦ ବଲରେ ୭ ଚୌକା ଓ ୫ ଛକା ସହ ୬୮* ରନ କରିଥିବା ବେଳେ, ସୂର୍ଯ୍ୟକୁମାର ଯାଦବ ୨୬ ବଲରେ ୬ ଚୌକା ଓ ୩ ଛକା ସହ ୫୬* ରନ କରିଥିଲେ। ଇଶାନ କିଶାନ ମଧ୍ୟ ୧୩ ବଲରେ ୨୮ ରନର ଦ୍ରୁତ ପାଳି ଖେଳିଥିଲେ।
ପ୍ରଥମେ ବ୍ୟାଟିଂ କରି ନ୍ୟୁଜିଲ୍ୟାଣ୍ଡ ଦଳ ୨୦ ଓଭରରେ ୯ ୱିକେଟ ହରାଇ ୧୫୩ ରନ କରିଥିଲା। ଏହାର ଉତ୍ତରରେ ଭାରତୀୟ ଦଳ ୧୦ ଓଭର ପୂର୍ବରୁ ଲକ୍ଷ୍ୟ ପୂରଣ କରି ନେଇଥିଲା। ଏହି ଜୟ ସହିତ ୫ ମ୍ୟାଚ ବିଶିଷ୍ଟ ଟି-୨୦ ସିରିଜକୁ ଭାରତ ୩-୦ ରେ କବଜା କରି ନେଇଛି, ଅବଶିଷ୍ଟ ୨ଟି ମ୍ୟାଚ ପୂର୍ବରୁ ହିଁ ସିରିଜ ଜିତିଛି।
