Cricket

ଟେଷ୍ଟ କ୍ରିକେଟର ଲୋକପ୍ରିୟତା ବଢାଇବା ପାଇଁ କାମ କରିବାକୁ ପଡ଼ିବ: ଗାଙ୍ଗୁଲି

(ଓଡ଼ିଶା ସ୍ପୋର୍ଟ): ଭାରତରେ ପ୍ରଥମ ଦିବା-ରାତ୍ର ଟେଷ୍ଟ ମ୍ୟାଚ ଆୟୋଜନ ହେବ । ଏଥିପାଇଁ ପ୍ରସ୍ତୁତି ଆରମ୍ଭ ହୋଇସାରିଲାଣି । ଏ ନେଇ ଭାରତୀୟ କ୍ରିକେଟ ନିୟନ୍ତ୍ରଣ ବୋର୍ଡ (ବିସିସିଆଇ)ର ସଭାପତି ସୌରଭ ଗାଙ୍ଗୁଲି କହିଛନ୍ତି, ‘ଟେଷ୍ଟ କ୍ରିକେଟ’ର ଲୋକପ୍ରିୟତା ବଢ଼ାଇବା ପାଇଁ କାମ କରିବାକୁ ପଡ଼ିବ । ବାଲାଂଦେଶ ବିପକ୍ଷରେ ଭାରତର ଟେଷ୍ଟ ଶୃଙ୍ଖଳା ଜାରି ଅଛି । ଦକ୍ଷିଣ ଆଫ୍ରିକା ବିପକ୍ଷରେ ଭାରତ ଏହା ପୂର୍ବରୁ ଟେଷ୍ଟ ଶୃଙ୍ଖଳା ଖେଳିଥିଲା, ଯେଉଁଥିରେ ଦର୍ଶକଙ୍କ ସଂଖ୍ୟା କମ ଥିଲା । ମାତ୍ର ଆଗାମୀ ଶୁକ୍ରବାର ଠାରୁ ଆରମ୍ଭ ହେବାକୁ ଥିବା ବାଂଲାଦେଶ ବିପକ୍ଷ ୨ୟ ଟେଷ୍ଟ ମ୍ୟାଚର ପ୍ରଥମ ୩ ଦିନ ପାଇଁ ବହୁ ପରିମାଣରେ ଟିକେଟ ବିକ୍ରି ହୋଇ ସାରିଛି ।

ଗତ ମାସରେ ବୋର୍ଡର ସଭାପତି ଦାୟିତ୍ୱ ନେବା ପରେ ଗାଙ୍ଗୁଲି ଇଡେନ ଗାର୍ଡେନରେ ଦିବା-ରାତ୍ର ଟେଷ୍ଟ ମ୍ୟାଚର ଆୟୋଜନ କରିବାକୁ ଆଗ୍ରହ ଦେଖାଯାଇଥିଲେ । ଗାଙ୍ଗୁଲି କହିଛନ୍ତି, ଆଗକୁ ବଢ଼ିବାକୁ ଏହା ହେଉଛି ଏକ ବଡ଼ କାମ । ଟେଷ୍ଟ କ୍ରିକେଟକୁ କାୟାକଳ୍ପ ଜରୁରୀ ଅଛି । ପୂର୍ବ ଭାରତୀୟ ଅଧିନାୟକ କହଛନ୍ତି ଯେ, ଏହା ବିଶ୍ୱର ଚାରିଆଡେ ହେଉଛି । ଯେକୌଣସି ସ୍ଥାନରୁ ଏହାକୁ ଆରମ୍ଭ କରାଯିବାର ଥିଲା । କ୍ରିକେଟ କ୍ଷେତ୍ରରେ ଭାରତ ସବୁଠାରୁ ବଡ଼ ଦେଶ । ମୋ ମତରେ କ୍ରିକେଟରେ ପରିବର୍ତ୍ତନ ଆସିବା ଦରକାର ।

Related posts

ଆଇପିଏଲ ୨୦୨୬ରେ ପଞ୍ଜାବର ଜବରଦସ୍ତ ବିଜୟ, କୁପର କୋନୋଲି ହେଲେ ହିରୋ; ଶ୍ରେୟସଙ୍କୁ ଫାଇନ୍

ରାଜକୋଟରେ ଦକ୍ଷିଣ ଅଫ୍ରିକାକୁ ହରାଇଲା ଭାରତ ‘ଏ’ ଦଳ

Odisha Sports Bureau

ଆଜି ମୋହାଲିରେ ମୁହାଁମୁହିଁ ହେବେ ପଞ୍ଜାବ- ବାଙ୍ଗାଲୋର

Odisha Sports Bureau