ରୋହିତଙ୍କ ପରି ଖେଳାଳୀ ନାହିଁ: ଗିଲକ୍ଲିଷ୍ଟ

(ଓଡିଶାସ୍ପୋର୍ଟସ ): ଦକ୍ଷିଣ ଆଫ୍ରିକା ବିରୋଧରେ ଖେଳିବାକୁ ଥିବା ତିନୋଟି ମ୍ୟାଚର ଟେଷ୍ଟ ସିରିଜ ପାଇଁ ଭାରତୀୟ ଟେଷ୍ଟ ଟିମରେ ଚଳିତ ଥର ରୋହିତ ଶର୍ମାଙ୍କୁ ଓପନର ଭାବେ ଚୟନ କରାଯାଇଛି । କେ ଏଲ ରାହୁଲଙ୍କ ଜାଗାରେ ଏବେ ରୋହିତ ମୟଙ୍କ ଅଗ୍ରୱାଲଙ୍କ ସହ ଟେଷ୍ଟ ମ୍ୟାଚରେ ଓପନିଂ କରିବେ । ନିକଟରେ ଚୟନ ସମିତିର ଅଧ୍ୟକ୍ଷ ଏମ ଏସ କେ ପ୍ରସାଦ ମଧ୍ୟ ଏହି କଥାର ପୃଷ୍ଟି କରି କହିଛନ୍ତି, ରୋହିତ ଟେଷ୍ଟରେ ଓପନିଂ କରିବେ ।
ଓପନର ଭାବେ ରୋହିତଙ୍କୁ ଅଷ୍ଟ୍ରେଲିଆର ପୂର୍ବତନ ଖେଳାଳୀ ଏଡମ ଗିଲକ୍ଲିଷ୍ଟ ସମର୍ଥନ କରି କହିଛନ୍ତି, ମତେ ପୁରା ବିଶ୍ୱାସ ରୋହିତ ଓପନର ଭାବେ ଟେଷ୍ଟ କ୍ରିକେଟକୁ ସଫଳ କରିବେ । ଭାରତୀୟ ପିଚରେ ତାଙ୍କ ପରି ଆଉ କେହି ବ୍ୟାଟ୍ସମ୍ୟାନ ଭାରତକୁ ମଳିବ ନାହିଁ । କିନ୍ତୁ ବିଦେଶରେ ରୋହିତଙ୍କୁ ସମସ୍ୟା ହୋଇପାରେ । ସେ ଆହୁରି କହିଛନ୍ତି, ମୁଁ ଆଇପିଏଲରେ ରୋହିତଙ୍କ ସହ ଖେଳି ସାରିଛି । ରୋହିତ ଲୋକଙ୍କୁ ଏପରି ଆଶ୍ଚର୍ଯ୍ୟ କରନ୍ତି କି ତାଙ୍କୁ ଲାଗେ ସେ ପର୍ଯ୍ୟାପ୍ତ ପରିଶ୍ରମ କରୁ ନାହାନ୍ତି । କାରଣ ସେ ସେମିତି ମଣିଷ । ରୋହିତ ଜଣେ ବିଶ୍ୱ ସ୍ତରୀୟ ଖେଳାଳୀ । ଗିଲ କହିଛନ୍ତି, ଯଦି ସେ ଶୀର୍ଷକ୍ରମର ବ୍ୟାଟ୍ସମ୍ୟାନ ରୂପେ ଚ୍ୟାଲେଞ୍ଜକୁ ନେବାକୁ ଚାହଁନ୍ତି, ତେବେ ଏପରି କୌଣସି କାରଣ ନାହିଁ ଯାହା ତାଙ୍କୁ ଅଟଳାଇ ପାରିବ ।