୨୩.୫୧ ଲକ୍ଷ ଟଙ୍କାରେ ବିକ୍ରି ହେଲା ଷ୍ଟାର ଫୁଟବଲର ପେଲେଙ୍କ ଜର୍ସୀ

(ଓଡିଶା ସ୍ପୋର୍ଟସ): ବ୍ରାଜିଲର ଷ୍ଟାର ଫୁଟବଲର ପେଲେ ନିଜର ଅନ୍ତିମ ଅନ୍ତରାଷ୍ଟ୍ରୀୟ ମ୍ୟାଚ୍ ରେ ଯେଉଁ ଜର୍ସୀ ପରିଧାନ କରିଥିଲେ ଏହାକୁ ଇଟାଲିର ଏକ ନିଲାମରେ ୩୦,୦୦୦ ଡଲାର (ପ୍ରାୟ ୨୩.୫୧ ଲକ୍ଷ ଟଙ୍କା)ରେ ବିକ୍ରି କରାଯାଇଛି । ତିନି ତିନି ଥର ବିଶ୍ୱ କପ୍ ବଜେତା ପେଲେ ଏହି ଜର୍ସି ଯୁଗୋସ୍ଲୋଭିଆ ବିପକ୍ଷରେ ଜୁଲାଇ ୧୯୭୧ରେ ରିଓ ଡି ଜେନେରିଓର ମରକାନା ଷ୍ଟାଡିୟମରେ ଖେଳା ଯାଇଥିବା ମୈତ୍ରୀ ମ୍ୟାଚ୍ ରେ ପିନ୍ଧିଥିଲେ । ଏହା ପେଲେଙ୍କ ବ୍ରାଜିଲ ତରଫରୁ ଶେଷ ମ୍ୟାଚ୍ ଥିଲା । ପେଲେଙ୍କ ବୟଷ ଏବେ ୭୬ ଅଟେ ଏବଂ ତାଙ୍କୁ ସର୍ବକାଳୀନ ମହାନ ଫୁଟବଲର ହିସାବରେ ଜଣା ଯାଏ । ସେ ବ୍ରାଜିଲ ତରଫରୁ ୯୨ ମ୍ୟାଚରେ ୭୭ ଗୋଲ କରିଛନ୍ତି । ଏହି ନିଲାମରେ ଆର୍ଜେଣ୍ଟିନାର ଦିଗ୍ଜ ଡିଏଗୋ ମାରାଡୋନାଙ୍କ ୧୯୮୯-୯୦ ମଧ୍ୟରେ ନେପୋଲିର ତରଫରୁ ଖେଳୁଥିବା ସମୟରେ ପିନ୍ଧିଥିବା ଜର୍ସି ୭୫୦୦ ୟୁରୋ( ପ୍ରାୟ ୫.୯୩ ଲକ୍ଷ ଟଙ୍କା)ରେ ବିକ୍ରି ହୋଇଥିଲା । ଆମେରିକାର ବାସ୍କେଟବଲର ଖେଳାଳୀ ମାଇକେଲ ଜୋର୍ଡନ ବେସବଲ୍ରେ ମଧ୍ୟ ଖେଳିଥିଲେ । ଏହି ସମୟରେ ସେ ଯେଉଁ ବ୍ୟାଟର ବ୍ୟବହାର କରିଥିଲେ ତାହା ୪୨୫ ୟୁରୋ ( ପ୍ରାୟ ୩୩ ହଜାର ଟଙ୍କା) ରେ ବିକ୍ରି ହୋଇଛି ।