ଦୁବାଇ: ଆନ୍ତର୍ଜାତୀୟ କ୍ରିକେଟ ପରିଷଦ(ଆଇସିସି) ପକ୍ଷରୁ ଘୋଷଣା ହୋଇଛି ପୁରୁଷ କ୍ରିକେଟ ଟୁର୍ଣ୍ଣାମେଣ୍ଟଗୁଡିକର କାର୍ଯ୍ୟସୂଚୀ । ଆସନ୍ତା ୨୦୨୪ରୁ ୨୦୩୧ ମସିହା ପର୍ଯ୍ୟନ୍ତ ପ୍ରମୁଖ ପୁରୁଷ ଟୁର୍ଣ୍ଣାମେଣ୍ଟର ହୋଷ୍ଟ ଟିମ ଗୁଡିକର ନାମ ଘୋଷଣା ହୋଇଛି । ଏହି ସମୟ ମଧ୍ୟରେ ଦୁଇଟି ପୁରୁଷ ଦିନିକିଆ ବିଶ୍ୱକପ, ଦୁଇଟି ଚମ୍ପିଆନ୍ସ ଟ୍ରଫି ଏବଂ ୪ଟି ଟି-୨୦ ବିଶ୍ୱକପ ଟୁର୍ଣ୍ଣାମେଣ୍ଟ ଆୟୋଯିତ ହେବ । ଏସବୁ ଟୁର୍ଣ୍ଣାମେଣ୍ଟ ଆଇସିସିର ୧୧ଟି ପୂର୍ଣ୍ଣକାଳୀନ ସଦସ୍ୟ ରାଷ୍ଟ୍ର ଓ ୪ଟି ସହଯୋଗୀ ସଦସ୍ୟ ରାଷ୍ଟ୍ରରେ ଅନୁଷ୍ଠିତ ହେବ ।
ଭାରତ ୨୦୨୬ରେ ଟି-୨୦ ବିଶ୍ବକପ, ୨୦୨୯ରେ ଶ୍ରୀଲଙ୍କା ସହ ମିଳିଭାବେ ଚାମ୍ପିଅନ୍ସ ଟ୍ରଫି ଓ ବାଂଲାଦେଶ ସହ ମିଳିତ ଭାବେ ୨୦୩୧ର ପୁରୁଷ ବିଶ୍ବକପ ଆୟୋଜନ କରିବ । ଅନ୍ୟପକ୍ଷରେ ପାକିସ୍ତାନକୁ ୨୦୨୫ର ଆଇସିସି ଚାମ୍ପିଅନ୍ସ ଟ୍ରଫି ଆୟୋଜନର ଦାୟିତ୍ବ ପ୍ରଦାନ କରାଯାଇଛି ।
ଆଇସିସି କାର୍ଯ୍ୟସୂଚୀ ୨୦୨୪-୩୧
୨୦୨୪ ଟି -୨୦ ବିଶ୍ୱକପ : ଆମେରିକା ଏବଂ ୱେଷ୍ଟଇଣ୍ଡିଜ୍, ଜୁନ
୨୦୨୫ ଚାମ୍ପିଅନ୍ସ ଟ୍ରଫି : ପାକିସ୍ତାନ, ଫେବୃଆରି
୨୦୨୬ ଟି -୨୦ ବିଶ୍ୱକପ : ଭାରତ ଏବଂ ଶ୍ରୀଲଙ୍କା, ଫେବୃଆରି
୨୦୨୭ ବିଶ୍ୱକପ୍ : ଦକ୍ଷିଣ ଆଫ୍ରିକା, ଜିମ୍ବାୱେ ଏବଂ ନାମିବିଆ, ଅକ୍ଟୋବର / ନଭେମ୍ବର
୨୦୨୮ ଟି -୨୦ ବିଶ୍ୱକପ : ଅଷ୍ଟ୍ରେଲିଆ ଏବଂ ନ୍ୟୁଜିଲ୍ୟାଣ୍ଡ – ଅକ୍ଟୋବର
୨୦୨୯ ଚାମ୍ପିଅନ୍ସ ଟ୍ରଫି : ଭାରତ – ଅକ୍ଟୋବର
୨୦୩୦ ଟି -୨୦ ବିଶ୍ୱକପ : ଇଂଲଣ୍ଡ, ଆୟର୍ଲାଣ୍ଡ ଏବଂ ସ୍କଟଲ୍ୟାଣ୍ଡ – ଜୁନ୍
୨୦୩୧ ବିଶ୍ୱକପ୍ : ଭାରତ ଏବଂ ବାଂଲାଦେଶ – ଅକ୍ଟୋବର / ନଭେମ୍ବର
