ନୂଆଦିଲ୍ଲୀ: ଦିନିକିଆ ସିରିଜିରୁ ବାଦ ପଡିଲେ ଭାରତୀୟ ଦ୍ରୁତ ବୋଲର ମହମ୍ମଦ ଶାମି । ଆହତ କାରଣରୁ ବାଂଲାଦେଶ ବିପକ୍ଷ ଟେଷ୍ଟ ସିରିଜ ଖେଳିବାରୁ ବାଦ ପଡିପାରନ୍ତି ଶାମି । ଶେଷ ଥର ପାଇଁ ଆଇସିସି ଟି-୨୦ ବିଶ୍ୱକପ ୨୦୨୨ରେ ମହମ୍ମଦ ଶାମିଙ୍କୁ ଦେଖାଯାଇଥିଲା । ପରବର୍ତ୍ତୀ ସମୟରେ ତାଙ୍କ ଡାହାଣ କାନ୍ଧରେ ଯନ୍ତ୍ରଣା ଆରମ୍ଭ ହୋଇଥିଲା ।ତେବେ ମହମ୍ମଦ ଶାମି ପ୍ରଥମେ ବଂଲାଦେଶ ସିରିଜ୍ ରେ ଅଂଶ ଗ୍ରହଣ କରିଥିଲେ । କିନ୍ତୁ ତାଙ୍କ ଯନ୍ତଣା ବଢିବାରୁ ମ୍ୟାଚରୁ ବାଦ ପଡିଥିଲେ ଶାମି । ମହମ୍ମଦ ଶାମିଙ୍କ ବଦଳରେ ଉମ୍ରାନ ମଲ୍ଲିକ ଦଳରେ ସାମିଲ ହୋଇଥିଲେ ।ତେବେ ଶାମି ବର୍ତ୍ତମାନ ବେଙ୍ଗାଲୁରୁର ଜାତୀୟ କ୍ରିକେଟ୍ ଏକାଡେମୀ (ଏନସିଏ) ରେ ଅଛନ୍ତି । କ୍ରିକବଜ୍ ଅନୁଯାୟୀ, ଶାମିଙ୍କୁ ସୁସ୍ଥ କରିବା ପାଇଁ ଏନସିପ କମଚାରୀମାନେ ଏକ ରୋଡ ମ୍ୟାପ୍ ପ୍ରସ୍ତୁତ କରୁଛନ୍ତି । କିନ୍ତୁ ଶାମିଙ୍କ ପ୍ରତ୍ୟାବର୍ତ୍ତନ ନେଇ ଏ ପର୍ଯ୍ୟନ୍ତ କୌଣସି ସ୍ପଷ୍ଟ ସୂଚନା ମିଳିନାହିଁ ।
ତେବେ ଭାରତୀୟ ଦଳ ବାଂଲାଦେଶରେ ଚାଲିଥିବା ଦିନିକିଆ ମ୍ୟାଚରେ ସଂର୍ଘଷ କରୁଥିବା ବେଳେ ଟେଷ୍ଟ ସିରିଜ୍ ପୂର୍ବରୁ ଦଳରେ ଶାମିଙ୍କ ଅନୁପସ୍ଥିତି ଭାରତୀୟ ଟିମ୍ ସହ ଶାମିଙ୍କ ପ୍ରଶଂକଙ୍କୁ ବଡ ଝଟକା ଲାଗିଛି ।
