ମୁମ୍ବାଇ: ଦିନିକିଆ ବିଶ୍ୱକପକୁ ନେଇ ଫ୍ୟାନମାନେ ଖୁବ ଉତ୍ସାହିତ ଅଛନ୍ତି ।ବିଶ୍ୱକପ ଆଗରୁ ହୋଟେଲ ଓ ଫ୍ଲାଇଟର ମୁଲ୍ୟ ବଡିଯାଇଥିଲା ।ତେବେ ନିକଟରେ ଆଇସିସି ଓ ବିସିସିଆଇ ବୁଧୁବାର ଘେସଣା କରିଛନ୍ତି ଅଗଷ୍ଟ ୨୫ରୁ ଟିକେଟ ବିକ୍ରି ଆରମ୍ଭ ହେବ ।ଦର୍ଶକଙ୍କ ଉତ୍କଣ୍ଠାକୁ ଦୃଷ୍ଟିରେ ରଖି ଟିକେଟ୍ ପର୍ୟ୍ୟାୟକ୍ରମେ ବିକ୍ରି କରାଯିବ ବୋଲି ଆୟୋଜକ ପକ୍ଷରୁ କୁହାଯାଇଛି। ଭାରତ ବ୍ୟତୀତ ଅନ୍ୟ ଦଳର ଅଭ୍ୟାସ୍ ମ୍ୟାଚ୍ ଓ ଲିଗ୍ ପର୍ୟ୍ୟାୟ ମ୍ୟାଚର ଟିକେଟ୍ ଅଗଷ୍ଟ ୨୫ ତାରିଖରୁ ଉପଲବ୍ଧ ହେବ। ଗୁଆହାଟୀ ଓ ତିରୁଅନନ୍ତପୁରମରେ ଭାରତର ଅଭ୍ୟାସ ମ୍ୟାଚ୍ର ଟିକେଟ୍ ଅଗଷ୍ଟ ୩୦ରୁ ବିକ୍ରି ହେବ।
ଚେନ୍ନାଇ, ଦିଲ୍ଲୀ ଓ ପୁଣେରେ ଖେଳା ଯିବାକୁ ଥିବା ଭାରତର ମ୍ୟାଚ୍ର ଟିକେଟ୍ ଅଗଷ୍ଟ ୩୧ରୁ ମିଳିବ। ଧର୍ମଶାଳା, ଲକ୍ଷ୍ନୌ ଓ ମୁମ୍ବାଇରେ ଖେଳା ଯିବାକୁ ଥିବା ଭାରତର ମ୍ୟାଚ୍ର ଟିକେଟ୍ ସେପ୍ଟେମ୍ବର ୧ରୁ ବିକ୍ରି କରାଯିବ। ସେହିପରି ବେଙ୍ଗାଲୁରୁ ଓ କୋଲକାତାରେ ହେବାକୁ ଥିବା ମ୍ୟାଚ୍ର ଟିକେଟ୍ ବିକ୍ରି ସେପ୍ଟେମ୍ବର ୨ରୁ ଆରମ୍ଭ ହେବ। ଅହମ୍ମଦାବାରେ ଭାରତ ଖେଳିବାକୁ ଥିବା ମ୍ୟାଚର ଟିକେଟ୍ ସେପ୍ଟେମ୍ବର ୩ରୁ ମିଳିବ। ସେମି ଫାଇନାଲ୍ ଓ ଫାଇନାଲ୍ ମ୍ୟାଚର ଟିକେଟ୍ ସେପ୍ଟେମ୍ବର ୧୫ ତାରିଖରେ ବିକ୍ରି ଆରମ୍ଭ ହେବ। କ୍ରିକେଟ୍ ପ୍ରେମୀ ଟିକେଟ୍ ବିକ୍ରି ସମ୍ପର୍କିତ ସୂଚନା ଜାଣିବା ପାଇଁ କ୍ରିକେଟ୍ ବିଶ୍ଵ କପ୍ ଡଟ୍ କମରେ ପଞ୍ଜିକରଣ କରିପାରିବେ।
