ମୁମ୍ବାଇ: ଚାଇନାର ହାଙ୍ଗଝୌରେ ଚାଲିଥିବା ୧୯ଗ୍ଧଷ ନବିଂଶ ଏସୀୟ ଗେମ୍ସରେ ଏପର୍ୟ୍ୟନ୍ତ ପଞ୍ଚମ ଦିନ ଭାରତ ପାଇଁ ବହୁତ ଭଲ ବୋଲି ପ୍ରମାଣିତ ହୋଇଛି। ଅଶ୍ୱ ଚାଳନା ଡ୍ରେସେଜ୍ (ବ୍ୟକ୍ତିଗତ) ପ୍ରତିଯୋଗିତାରେ ଭାରତର ଅନୁଷ୍ ଅଗ୍ରୱାଲ ବ୍ରୋଞ୍ଜ ପଦକ ଜିତିବାରେ ସଫଳ ହୋଇଛନ୍ତି। ଏହି ଇଭେଣ୍ଟରେ ମାଲେସିଆ ଖେଳାଳି ୭୫.୭୮୦ ପଏଣ୍ଟ ହାସଲ କରି ସ୍ୱର୍ଣ୍ଣ ପଦକ ଜିତିଛନ୍ତି। ହଂକଂ ଖେଳାଳି ୭୩.୪୫୦ ପଏଣ୍ଟ ସହ ରୌପ୍ୟ ପଦକ ଜିତିଛନ୍ତି । ଭାରତର ଅନୁଷ୍ ଅଗ୍ରୱାଲ ୭୩.୦୩୦ ସ୍କୋର କରି ଏହି ଇଭେଣ୍ଟରେ ତୃତୀୟ ସ୍ଥାନ ହାସଲ କରିବାରେ ସଫଳ ହୋଇଥିଲେ ଏବଂ ବ୍ରୋଞ୍ଜ ପଦକ ଜିତିଥିଲେ ।
ଏସିଆନ୍ ଗେମ୍ସ ଇତିହାସରେ ଅଶ୍ୱ ଚାଳନାରେ ବ୍ୟକ୍ତିଗତ ଡ୍ରେସେଜରେ ଏହା ହେଉଛି ଭାରତର ପ୍ରଥମ ପଦକ। ଏହାପୂର୍ବରୁ ୫ ଦିନ ଭାରତର ରୋଶିବିନା ଦେବୀ ୱଶୁରେ ରୌପ୍ୟ ପଦକ ଜିତିଛନ୍ତି ସେହିଠାରେ ସୁଟିଂରେ ଆଉ ଏକ ସ୍ୱର୍ଣ୍ଣ ପଦକ ଜିତିବାରେ ସଫଳ ହୋଇଛି। ୱୁଶୁରେ ସ୍ୱର୍ଣ୍ଣ ପଦକ ମ୍ୟାଚରେ ଭାରତର ରୋଶିବିନା ଦେବୀଙ୍କୁ ୬୦ କିଲୋଗ୍ରାମ ଓଜନ ବର୍ଗ ଇଭେଣ୍ଟରେ ଚୀନ୍ ଖେଳାଳିଙ୍କଠାରୁ ପରାଜୟର ସମ୍ମୁଖୀନ ହେବାକୁ ପଡିଥିଲା।
ଏସିଆନ୍ ଗେମ୍ସ ୨୦୨୩ ରେ ଭାରତର ମୋଟ ପଦକ ସଂଖ୍ୟା ବର୍ତ୍ତମାନ ୨୫ ରେ ପହଞ୍ଚିଛି। ଏଥିରେ ୬ ଟି ସ୍ୱର୍ଣ୍ଣ, ୮ ଟି ରୌପ୍ୟ ଏବଂ ୧୧ ଟି ବ୍ରୋଞ୍ଜ ପଦକ ଅନ୍ତର୍ଭୁକ୍ତ । ଜାଭେଲିନ୍ ଥ୍ରୋ ନୀରଜ ଚୋପ୍ରା ସ୍ୱର୍ଣ୍ଣ ଜିତିବେ ବୋଲି ଆଗାମୀ ଦିନରେ ଭାରତ ପଦକ ସଂଖ୍ୟା ବୃଦ୍ଧି କରିବାକୁ ଆଶା ରଖିଛି।
