ହାଇଭୋଲଟେଜ ମ୍ୟାଚରେ ଭାରତ ଓ ନ୍ୟୁଜିଲାଣ୍ଡ ମଧ୍ୟରେ ଟକ୍କର

ନୂଆଦିଲ୍ଲୀ: ଟସ ଜିତି ବୋଲିଙ୍ଗ କରିବ ଭାରି ତ । ଚଳିତ ବିଶ୍ବକପ୍ ମହାସମରର ମୋଷ୍ଟ ହାଇଭୋଲଟେଜ ମ୍ୟାଚରେ ପରସ୍ପରକୁ ଟକ୍କର ଦେବେ ଭାରତ ଓ ନ୍ୟୁଜିଲାଣ୍ଡ । ଉଭୟ ଦଳ ନିଜ ନିଜର ସମସ୍ତ ୪ଟି ଲେଖାଏଁ ମ୍ୟାଚ ଜିତିଛନ୍ତି । ଉଭୟ ଦଳ ଟପ୍ ଫର୍ମରେ ଅଛନ୍ତି ।
ବିଶ୍ବକପ୍ ଇତିହାସକୁ ଦେଖିଲେ ନ୍ୟୁଜିଲାଣ୍ଡର ପଲା ଭାରି ଲାଗୁଛି । ବିଗତ ୧୨ ସଂସ୍କରଣରେ ଉଭୟ ୯ ଥର ମୁହାଁମୁହିଁ ହୋଇଥଇବା ବେଳେ ୫ ଥର ନ୍ୟୁଜିଲାଣ୍ଡ ବାଜି ମାରିଛି । ଭାରତ ମାତ୍ର ୩ ଥର ବାଜି ଥିବା ବେଳେ ଗୋଟିଏ ମ୍ୟାଚ ବାତିଲ ହୋଇଥିଲା । ଶେଷ ଥର ୨୦୧୯ ବିଶ୍ବକପ୍ ସେମି ଫାଇନାଲରେ ଭାରତକୁ ହରାଇ ବାହାରର ବାଟ ଦେଖାଇଥିଲା ନ୍ୟୁଜିଲାଣ୍ଡ ।
ଚଳିତ ବିଶ୍ବକପରେ ଉଭୟ ଦଳ ଅପରାଜିତ ରହିଛନ୍ତି । ଏଯାଏଁ କେହି ବି ଗୋଟିଏ ବି ମ୍ୟାଚ ହାରିନାହାନ୍ତି । ଉଭୟ ଦଳର ପ୍ରଦର୍ଶନ ବେଶ ଦମଦାର ଥିବା ବେଳେ ଆଜିର ମ୍ୟାଚ ବେଶ ରୋମାଞ୍ଚକ ହେବାକୁ ଯାଉଛି ।