ବିଶ୍ୱକପରୁ ବାଦ ପଡିଛନ୍ତି ହାର୍ଦ୍ଦିକ । ହାର୍ଦ୍ଦିକଙ୍କ ସ୍ଥାନରେ ପ୍ରସିଦ୍ଧ କ୍ରିଷ୍ଣାକୁ ସ୍ଥାନ ମିଳିଛି । ବିଶ୍ୱକପରୁ ବାହାରିବା ପରେ ଭାବବିହ୍ୱଳ ହୋଇପଡିଛନ୍ତି ହାର୍ଦ୍ଦିକ । ଏ ନେଇ ଏକ୍ସ(ଟ୍ଵିଟର)ରେ ନିଜର ପୋଷ୍ଟ କରିଛନ୍ତି ।
ବିଶ୍ୱକପରୁ ଆଉଟ ହେବା ପରେ ହାର୍ଦ୍ଦିକ ଲେଖିଛନ୍ତି, ବିଶ୍ୱକପ ପାଇଁ ବାକି ମ୍ୟାଚରୁ ବାଦ୍ ପଡିବା ହଜମ କରିବା ସହଜ ନୁହେଁ । କିନ୍ତୁ ମୋ ମନ ପ୍ରତି ମ୍ୟାଚରେ ପ୍ରତି ବଲ୍ରେ ଟିମ୍କୁ ଚିୟର କରିବ । ଆପଣଙ୍କ ପ୍ରାର୍ଥନା, ଭଲପାଇବା ଏବଂ ସମର୍ଥନ ପାଇଁ ଧନ୍ୟବାଦ । ଟିମ୍ ବହୁତ ଖାସ୍ ଆଉ ମୋର ବିଶ୍ୱାସ ଆମେ ସମସ୍ତଙ୍କୁ ଗୌରାବାନ୍ଵିତ କରିବୁ ।
ବାଂଲାଦେଶ ବିପକ୍ଷ ମ୍ୟାଚ ଖେଳିବା ବେଳେ ହାର୍ଦ୍ଦିକ ୩ଟି ବଲ୍ ପକାଇ ଆହତ ହୋଇଥିଲେ । ହାର୍ଦ୍ଦିକ ବାମ ଗୋଡରେ ବଲ୍କୁ ରୋକିବାକୁ ଚେଷ୍ଟା କରୁଥିବା ବେଳେ ମୋଡି ହୋଇଯାଇଥିଲା । ଏହି ମ୍ୟାଚରେ ହାର୍ଦ୍ଦିକଙ୍କ ବାକି ୩ଟି ବଲ ବିରାଟ କୋହଲି ବୋଲିଂ କରିଥିଲେ । ଏହାପରେ ହାର୍ଦ୍ଦିକ ବାକି ମ୍ୟାଚ ଖେଳିନଥିଲେ ଏବଂ ବେଙ୍ଗାଲୁରୁ ନ୍ୟାସନାଲ କ୍ରିକେଟ ଏକାଡେମୀ ରିହାବରେ ରହୁଥିଲେ ।
