ବିଶ୍ବକପ୍ ସେମିଫାଇନାଲରେ ଭାରତ ସହ କିଏ ଖେଳିବ ? ନ୍ୟୁଜିଲାଣ୍ଡ ନା ପାକିସ୍ତାନ । ଆସନ୍ତା ୧୫ ତାରିଖରେ ଖେଳାଯିବ ପ୍ରଥମ ସେମିଫାଇନାଲ ମ୍ୟାଚ୍ । ଏହି ଦିନ ଭାରତ ସହ କେଉଁ ଟିମ୍ ଖେଳିବ, ତାହା ଏବେ ପର୍ଯ୍ୟନ୍ତ ସ୍ପଷ୍ଟ ହୋଇନାହିଁ । କୁହାଯାଉଛି ବୁଧବାର ମୁମ୍ବାଇରେ ଭାରତ-ନ୍ୟୁଜିଲାଣ୍ଡ ମଧ୍ୟରେ ସେମିଫାଇନାଲ ମ୍ୟାଚ୍ ଖେଳାଯିବା ସମ୍ଭାବନା ଅଧିକ।
ନ୍ୟୁଜିଲାଣ୍ଡ ୧୦ ପଏଣ୍ଟ ସହ ଟେବୁଲର ୪ ନମ୍ବର ସ୍ଥାନରେ ରହିଛି । ଏହି ସବୁ ଭିତରେ ପାକିସ୍ତାନ ପାଖରେ ସେମିଫାଇନାଲ ଖେଳିବା ସୁଯୋଗ ରହିଛି । ପାକିସ୍ତାନକୁ ସେମି ରାସ୍ତା ପକ୍କା କରିବାକୁ ହେଲେ ଆଜି ମ୍ୟାଚରେ ଇଂଲଣ୍ଡକୁ ବଡ଼ ବ୍ୟବଧାନରେ ହରାଇବାକୁ ପଡ଼ିବ ।
ଯଦି ପାକିସ୍ତାନ ପ୍ରଥମେ ବ୍ୟାଟିଂ କରେ ତେବେ ୨୮୭ ରନର ବଡ଼ ମାର୍ଜିନରେ ଇଂଲଣ୍ଡକୁ ହରାଇବାକୁ ପଡ଼ିବ । ପାକିସ୍ତାନ ପ୍ରଥମେ ବୋଲିଂ କଲେ ୨୮୪ ବଲ୍ ବାକି ଥାଇ ମ୍ୟାଚ୍ ଜିତିବାକୁ ହେବ । ଯାହା ପାକିସ୍ତାନ ପାଇଁ ସମ୍ଭବପର ନୁହେଁ । ଅନ୍ୟତମ ଦାବିଦାର ଆଫଗାନିସ୍ତାନ ମଧ୍ୟ ଏକପ୍ରକାର ସେମିଫାଇନାଲରୁ ବାହାର ହୋଇଯାଇଛି । ସେହି ଦୃଷ୍ଟିରୁ ଭାରତ-ନ୍ୟୁଜିଲାଣ୍ଡ ମଧ୍ୟରେ ସେମିଫାଇନାଲ ମ୍ୟାଚ୍ ଖେଳାଯିବ । ଦ୍ବିତୀୟ ସେମିଫାଇନାଲରେ ଦକ୍ଷିଣ ଆଫ୍ରିକା- ଅଷ୍ଟ୍ରେଲିଆ ଲଢେଇ ହେବ ବୋଲି ଅନୁମାନ କରାଯାଉଛି ।
