ଆଇସିସିର ବ୍ୟାନ ପରେ ଆଇପିଏଲକୁ ଫେରିବେ ୱାନିନ୍ଦୁ ହସରଙ୍ଗା

ନୂଆଦିଲ୍ଲୀ:ଗତ ବର୍ଷ ଶ୍ରୀଲଙ୍କାର ଅଲରାଉଣ୍ଡର ୱାନିନ୍ଦୁ ହସରଙ୍ଗା ଟେଷ୍ଟ କ୍ରିକେଟରୁ ସନ୍ୟାସ ଘୋଷଣା କରିଥିଲେ । ମାତ୍ର ଚଳିତ ବର୍ଷ ଆରମ୍ଭରେ ସେ ନିଜର ନିଷ୍ପତ୍ତି ବଦଳାଇ ଟେଷ୍ଟ କ୍ରିକେଟ ଖେଳିବାକୁ ନିଷ୍ପତ୍ତି ନେଇଉନ୍ତି । ଫଳସ୍ପରୁପ ବାଂଲାଦେଶ ବିପକ୍ଷ ଦୁଇ ମ୍ୟାଚ ବିଶିଷ୍ଟ ସିରିଜ ପାଇଁ ୱାଦିନ୍ଦୁ ହସରଙ୍ଗାଙ୍କୁ ଶ୍ରୀଲଙ୍କା ଦଳରେ ସାମିଲ କରାଯାଇଛି । ମାତ୍ର ଏବେ ଆଇସିସି ହସରଙ୍ଗାଙ୍କୁ ବଡ ଝଟକା ଦେଇଛି । ୱାନିନ୍ଦୁ ହସରଙ୍ଗା ଆଚାର ସଂହିତାର ଅନୁଚ୍ଛେଦ ୨.୮ ଆଧାରରେ ଦୋଷୀ ସାବ୍ୟସ୍ତ ହୋଇଛନ୍ତି । ଆଉ ଆଇସିସି ତାଙ୍କ୍ ଉପରେ ଅନ୍ତର୍ଜାତୀୟ କ୍ରିକେଟ ଖେଳିବା ନେଇ କଟକଣା ଲାଗାଇଛି । କଟକଣା ଯୋଗୁଁ ଶ୍ରୀଲଙ୍କା – ବାଂଲାଦେଶ ଟେଷ୍ଟ ସିରିଜରେ ୱାନିନ୍ଦୁ ହସରଙ୍ଗା ଖେଳି ପାରିବେ ନାହିଁ । ମାତ୍ର ଆଇପିଏଲ ଦଳ ସନରାଇଜର୍ସ ହାଇଦ୍ରାବାଦ ପାଇଁ ଖୁସିର ଖବର । ଆଇପିଏଲ ୨୦୨୪ ରେ ସନରାଇଜର୍ସ ହାଇଦ୍ରାବାଦ ପାଇଁ ପୁରା ସିଜିନରେ ଉପଲବ୍ଧ ରହି ପାରନ୍ତି ହସରଙ୍ଗା । ଶ୍ରୀଲଙ୍କା – ବାଙ୍ଗଲାଦେଶ ମଧ୍ୟରେ ପ୍ରଥମ ଟେଷ୍ଟ ମାର୍ଚ୍ଚ ୨୨ରୁ୨୬ ତାରିଖ ପର୍ଯ୍ୟନ୍ତ ଖେଳାଯିବ । ସେହିପରି ୨ୟ ଟେଷ୍ଟ ମାର୍ଚ୍ଚ ୩୦ରୁ ଆରମ୍ଭ ହେବ । ଯଦି ଉକ୍ତ ଟେଷ୍ଟ ସିରିଜରେ ୱାନିନ୍ଦୁ ଖେଳିଥାନ୍ତେ ତେବେ ଆଇପିଏଲରେ ସନରାଇଜର୍ସ ହାଇଦ୍ରାବାଦ ପାଇଁ ପ୍ରାରମ୍ଭିକ କିଛି ମ୍ୟାଚ ଖେଳି ପାରି ନଥାନ୍ତେ । ସନରାଇଜର୍ସ ହାଇଦ୍ରାବାଦ ମାର୍ଚ୍ଚ ୨୨ରେ କୋଲକାତା ନାଇଟ ରାଇଡର୍ସ ବିପକ୍ଷରେ ନିଜର ପ୍ରଥମ ମ୍ୟାଚ ଖେଳିବ ।