ମେ ୨୬ରେ ଖେଳାଯିବ ଫାଇନାଲ ମୁକାବିଲା

ନୂଆଦିଲ୍ଲୀ: ଇଣ୍ଡିଆନ ପ୍ରିମିୟର ଲିଗ ୨୦୨୪ ଆରମ୍ଭ ହୋଇ ଯାଇଛି । ପ୍ରଥମ ପର୍ଯ୍ୟାୟ ଆଧାରରେ ମାର୍ଚ୍ଚ ୨୨ରୁ ଏପ୍ରିଲ ୭ ତାରିଖରେ ୨୧ ଟି ମ୍ୟାଚ ଖେଳାଯିବାର କାର୍ଯ୍ୟ ସୂଚି ରହିଛି । ଲୋକସଭା ନିର୍ବାଚନ କାରଣରୁ ଏଥର ଦୁଇଟି ପର୍ଯ୍ୟାୟରେ କ୍ରୀଡା ସୂଚୀ ଘୋଷଣା କରାଯାଉଛି । ସୂଚନା ଅନୁଯାୟୀ, ଆଇପିଏଲ ୨୦୨୪ ର ସମସ୍ତ ମ୍ୟାଚ ଭାରତରେ ଖେଳାଯିବ । ଫାଇନାଲ ମୁକାବିଲା ମେ ୨୬ରେ ଖେଳା ଯିବ ବୋଲି କୁହାଯାଉଛି । ପ୍ରଥମ ପର୍ଯ୍ୟାୟରେ ୨୧ଟି ମ୍ୟାଚରେ କ୍ରୀଡା ସୂଚୀ ପ୍ରକାଶ ପାଇଥିବା ବେଳେ ଦ୍ୱିତୀୟ ପର୍ଯ୍ୟାୟରେ ଅବଶିଷ୍ଟ ୭୪ ଟି ମ୍ୟାଚର କ୍ରୀଡାସୂଚୀ ଆସିବା ବାକି ରହିଛି ।
ସୂଚନା ଅନୁଯାୟୀ, ପ୍ଲେ ଅଫ ମ୍ୟାଚ ଚେନ୍ନାଇ ଓ ଅହମ୍ମନାବାଦରେ ଖେଳାଯିବ । ଚଳିତ ସଂସ୍ମରଣର ପ୍ରଥମ କ୍ୱାଲିଫାୟର ଓ ଏଲିମିନେଟର ମ୍ୟାଚ ଅହମ୍ମଦାବାଦର ନରେନ୍ଦ୍ର ମୋଦୀ ଷ୍ଟାଡିୟମରେ ଖେଳାଯିବ । ୨ୟ କ୍ୱାଲିଫାୟର ଓ ଫାଇନାଲ ମ୍ୟାଚ ଚେନ୍ନାଇର ଲମ ଏଚିଦାମ୍ବର ଷ୍ଟାଡିୟମରେ ଖେଳାଯିବ । ଫାଇନାଲ ମ୍ୟାଚ ମେ ୨୬ରେ ଖେଳାଯିବ ବୋଲି କ୍ରିଲି କ୍ରିକବଜ ନିଜ ରିପୋର୍ଟରେ ପ୍ରକାଶ କରିଛି । ଆଇପିଏଲ ୨୦୨୪ର କିଛି ମ୍ୟାଚ । ବିସିସିଆଇ ଆଜି ୨ୟ ପର୍ଯ୍ୟାୟ କ୍ରିଡାସୂଚି ଜରି କରିବ । ମ୍ୟାଚ ମଝିରେ କୌଣସି ବିରତି ରହିବ ନାହିଁ । ଅର୍ଥାତ ଏପ୍ରିଏ ୮ରୁ ପୁଣି ଟୁର୍ଣ୍ଣାମେଣ୍ଟର ଅବଶିଷ୍ଟ ମ୍ୟାଚ ଆରମ୍ଭ ହେବ । ଆଇପିଏଲର କିଛି ମ୍ୟାଚ ଧର୍ମଶାଳାରେ ଖେଳାଯାଇପାରେ । ମେ ୨୧ରେ ପ୍ରଥମ ପ୍ଲେ ଅଫ ମ୍ୟାଚ ପଏଣ୍ଟ ଟେବୁଲର ଶୀର୍ଷ ୨ ଦଳ ମଧ୍ୟରେ ନରେନ୍ଦ ମୋଦୀ ଷ୍ଟାଡିୟମରେ ଖେଳାଯିବ । ଏହାପରେ ଏଲିମିନେଟର ମ୍ୟାଚ ୩ୟ ଓ ୪ର୍ଥ ଦଳ ମଧ୍ୟରେ ଖେଳାଯିବ । ଏହି ମୁକାବିଲା ଦରେନ୍ଦ୍ର ମୋଦୀ ଷ୍ଟାଡିୟମରେ ଖେଳାଯିବ ।