ନୂଆଦିଲ୍ଲୀ: ଦୀର୍ଘ ୧୦୦ ବର୍ଷର ବ୍ୟବଧାନ ପରେ ଅଲିମ୍ପିକ୍ସ ଆୟୋଜନ କରୁଛି ପ୍ୟାରିସ । ଜୁଲାଇ ୨୬ରୁ ଆରମ୍ଭ ହେବାକୁ ଥିବା ଏହି ଖେଳରେ ସାରା ବିଶ୍ୱରୁ ୧୦,୫୦୦ରୁ ଅଧିକ ଖେଳାଳି ଅଂଶଗ୍ରହଣ କରିବେ । ଫ୍ୟାସନର ରାଜଧାନୀ କୁହାଯାଉଥିବା ଏହି ସହରରେ ହେବାକୁ ଥିବା ଅଲମ୍ପିକ୍ସ ଖେଳ ଅନେକ ଦୃଷ୍ଟିରୁ ଭିନ୍ନ ଏବଂ ପାରମ୍ପାରିକ ହେବ ।
ପ୍ୟାରିସ ଠିକ ୧୦୦ ବର୍ଷ ପୂର୍ବ ଅଲିମ୍ପିକ୍ସର ଆୟୋଜନ କରିଥିଲା । ସେହି ସମୟରେ ଏହାର ବୈଶ୍ୱିକ ଖେଳ ଆୟୋଜନ ଉଦ୍ଦେଶ୍ୟ ବିଶ୍ୱରେ ଶାନ୍ତିକୁ ବଢାଇବା ଏବଂ ଦୁନିଆକୁ ଏକଜୁଟ କରିବା ଥିଲା । ୧୦୦ ବର୍ଷ ପରେ ବି ଏହି ବିଚାର ଅଳ୍ପବହୁତ ରହିଛି କିନ୍ତୁ ଏବେ ଦେଶରେ ଉତକୃଷ୍ଟତାର ଗୁରୁତ୍ୱ ଅଧିକ ହୋଇଛି । ପ୍ୟାରିସରେ ୧୯୨୪ ରେ ହୋଇଥିଲା ଅଲିମ୍ପିକ୍ସରେ ୪୪ ଦେଶର ୩୦୦୦ରୁ ଅଧିକ ଖେଳାଳି ଭାଗ ନେଇଥିଲେ, କିନ୍ତୁ ଚଳିତ ଥର ଏହି ସହର ପ୍ରାୟ ୧୦୫୦୦ ଖେଳାଳିଙ୍କୁ ସ୍ୱାଗତ ଜଣାଇବା ପାଇଁ ପ୍ରସ୍ତୁତ ଅଛି ।
ତେବେ ପ୍ୟାରିସ ଅଲିମ୍ପିକ୍ସର ଉଦଘାଟନୀ ସମାରୋହ ସୀନ ନଦୀ କୂଳରେ ଆୟୋଜନ କରାଯିବ । ଏହି ଖେଳରେ ସକାରାତ୍ମକ କଥା ଏହା ଯେ କେଳଗୁଡିକୁ ସର୍କୁଲର ଇକୋନମି ମଡେଲ ଆଧାରିତ କରାଯାଇଛି ।, ଯାହାର ଅର୍ଥ ଏହା ଯେ ଉପଲବ୍ଧ ସାମଗ୍ରୀକୁ ଯେତେ ସମ୍ଭବ ସେତେ ସେୟାର କରିବା , ନବୀକରଣ କରିବା । ୩୫ ଆୟୋଜନ ସ୍ଥଳ ମଧ୍ୟରୁ କେବଳ ଦୁଇଟି ନୂଆ ମୈଦାନ କରାଯାଇଛି ।
ତେବେ ପ୍ରଥମ ଥର ୧୦,୫୦୦ ଖେଳାଳିଙ୍କ ମଧ୍ୟରୁ ଅଧା ମହିଳା ଖେଳାଳି ରହିବେ, ଯାହା ଲିଙ୍ଗଗତ ସମାନତାକୁ ସୁନିଶ୍ଚିତ କରିବା ଦିଗରେ ଏକ ବଡ ପଦକ୍ଷେପ ଅଟେ । ଟୋକିଓ ଅଲିମ୍ପିକ୍ସରେ ଖେଳାଳିଙ୍କ ମୋଟ ସଂଖ୍ୟାର ୪୭.୫ ପ୍ରତିଶତ ମହିଳା ଥିଲେ ।
୧୦୦ ବର୍ଷର ବ୍ୟବଧାନ ପରେ ଅଲିମ୍ପିକ୍ସ ଆୟୋଜନ କରୁଛି ପ୍ୟାରିସ
