ଭାରତର ଷ୍ଟାର ଜାଭେଲିନ୍ ପ୍ଲେୟାର ନୀରଜ ଚୋପ୍ରା ପ୍ୟାରିସ ଅଲିମ୍ପିକ ୨୦୨୪ରେ ରୌପ୍ୟ ପଦକ ହାସଲ କରିଛନ୍ତି । ୮ ଅଗଷ୍ଟ (ଗୁରୁବାର) ରେ ପ୍ୟାରିସର ଷ୍ଟେଡ୍ ଡି ଫ୍ରାନ୍ସରେ ଖେଳାଯାଇଥିବା ଫାଇନାଲରେ ନୀରଜ ତାଙ୍କର ଦ୍ୱିତୀୟ ପ୍ରୟାସରେ ୮୯.୪୫ ମିଟର ଫିଙ୍ଗିଥିଲେ । ଏହା ଚଳିତ ସିଜିନର ନୀରଜଙ୍କ ସର୍ବୋତ୍ତମ ଥ୍ରୋ ଥିଲା । କ୍ରମାଗତ ଦ୍ୱିତୀୟ ଅଲିମ୍ପିକ୍ ଗେମ୍ସରେ ନୀରଜ ପଦକ ଜିତିଛନ୍ତି।
ପ୍ୟାରିସ୍ ଅଲିମ୍ପିକ୍ସ ୨୦୨୪ ରେ ପୁରୁଷ ଜାଭେଲିନ୍ ଥ୍ରୋରେ ପାକିସ୍ତାନର ଅର୍ଶଦ ନଦିମ ସ୍ୱର୍ଣ୍ଣ ପଦକ ଜିତିଛନ୍ତି । ଅର୍ଶଦ ନଦିମ ଦ୍ୱିତୀୟ ପ୍ରୟାସରେ ୯୨.୯୭ ମିଟର ଥ୍ରୋ କରିଥିଲେ, ଯାହା ଏକ ଅଲିମ୍ପିକ୍ ରେକର୍ଡ । Andreas THORKILDSEN ଙ୍କ ରେକର୍ଡ ଭାଙ୍ଗିଛନ୍ତି ଅର୍ଶଦ । ଅଗଷ୍ଟ ୨୩, ୨୦୦୮ ରେ ବେଜିଂ ଅଲିମ୍ପିକ୍ସରେ ୯୦.୫୭ ମିଟର ଜାଭେଲିନ୍ ଫିଙ୍ଗି ଆଣ୍ଡ୍ରିଆସ୍ ଏହି ରେକର୍ଡ ସୃଷ୍ଟି କରିଥିଲେ ।
