ନୂଆଦିଲ୍ଲୀ: ଇତିହାସ ରଚିଛି ଜିମ୍ବାୱେ । Zimbabwe national cricket team ଟି-୨୦ ବିଶ୍ଵକପରେ ପ୍ରଥମ ଥର ପାଇଁ ସୁପର-୮ ପର୍ଯ୍ୟାୟକୁ ପ୍ରବେଶ କରିଛି। ଗ୍ରୁପ-ବିର ଗୁରୁତ୍ୱପୂର୍ଣ୍ଣ ମ୍ୟାଚ୍ ବର୍ଷାରେ ରଦ୍ଦ ହେବାରୁ ଜିମ୍ବାଓ୍ଵେ ୫ ପଏଣ୍ଟ ସହ ସପ୍ତମ ଦଳ ଭାବେ ସୁପର-୮ ପାଇଁ ଯୋଗ୍ୟତା ଅର୍ଜନ କରିଛି। ପାଲ୍ଲେକେଲେରେ ଜିମ୍ବାଓ୍ଵେ ବନାମ ଆୟରଲାଣ୍ଡ ମ୍ୟାଚ୍ ବର୍ଷା କାରଣରୁ ଟସ୍ ହୋଇପାରିନଥିଲା। ଫଳରେ ଉଭୟ ଦଳକୁ ୧ ପଏଣ୍ଟ ମିଳିଲା। ଏହା ଜିମ୍ବାଓ୍ଵେ ପାଇଁ ଐତିହାସିକ ସଫଳତାର ଦ୍ୱାର ଖୋଲିଦେଲା। ସିକନ୍ଦର ରଜାଙ୍କ ନେତୃତ୍ୱାଧୀନ ଦଳ ଏହି ଟୁର୍ଣ୍ଣାମେଣ୍ଟରେ ଚମତ୍କାର ପ୍ରଦର୍ଶନ କରିଛି। ଗ୍ରୁପରୁ ଆୟୋଜକ ଶ୍ରୀଲଙ୍କା ନ୍ୟାସନାଲ୍ କ୍ରିକେଟ୍ ଟିମ୍ ପୂର୍ବରୁ ୬ ପଏଣ୍ଟ ସହ ସୁପର-୮ରେ ପହଞ୍ଚିଥିଲା।
ଅନ୍ୟପଟେ, ବର୍ଷା ଅଷ୍ଟ୍ରେଲିଆର ସ୍ୱପ୍ନକୁ ଭାଙ୍ଗିଦେଇଛି। ଯଦି ଆୟରଲାଣ୍ଡ ଏହି ମ୍ୟାଚ୍ ଜିତିଥାନ୍ତା, ତେବେ ଅଷ୍ଟ୍ରେଲିଆର ସୁପର-୮ ଆଶା ଜୀବନ୍ତ ରହିଥାନ୍ତା। କିନ୍ତୁ ମ୍ୟାଚ୍ ରଦ୍ଦ ହେବାରୁ ୧୭ ବର୍ଷ ପରେ ଅଷ୍ଟ୍ରେଲିଆ ଗ୍ରୁପ ପର୍ଯ୍ୟାୟରୁ ବିଦା ହୋଇଛି। ୨୦୨୧ର ବିଜେତା ଦଳ ଏଥର ସମସ୍ୟାରେ ପଡିଯାଇଥିଲା । ପ୍ରମୁଖ ବୋଲରମାନେ ଉପଲବ୍ଧ ନ ଥିବାରୁ ଦଳ ଦୁର୍ବଳ ଦେଖାଯାଇଥିଲା। ଏବେ ସୁପର-୮ ପର୍ଯ୍ୟାୟରେ ଜିମ୍ବାଓ୍ଵେ କେମିତି ପ୍ରଦର୍ଶନ କରିବ, ସେଥିପାଇଁ କ୍ରିକେଟ୍ ପ୍ରେମୀମାନଙ୍କ ଆଗ୍ରହ ବଢ଼ିଛି।
