ନୂଆଦିଲ୍ଲୀ: ଟିମ୍ ଇଣ୍ଡିଆ ଆଜି ୨୦୨୬ ଟି-୨୦ ବିଶ୍ୱକପରେ ତା’ର ଶେଷ ଲିଗ୍ ମ୍ୟାଚ୍ ଖେଳିବ। ଭାରତୀୟ ଦଳ ଏପର୍ଯ୍ୟନ୍ତ ଟୁର୍ଣ୍ଣାମେଣ୍ଟରେ ଅପରାଜିତ ରହିଛି ଏବଂ ସୁପର-୮ ପାଇଁ ଯୋଗ୍ୟତା ଅର୍ଜନ କରିସାରିଛି। ଏବେ ସମସ୍ତଙ୍କ ଦୃଷ୍ଟି ସୁପର ୮ର କାର୍ଯ୍ୟସୂଚୀ ଉପରେ।
ସୁପର ୮ର ପ୍ରଥମ ମ୍ୟାଚ୍ – ଦକ୍ଷିଣ ଆଫ୍ରିକା ବିପକ୍ଷରେ
ଗ୍ରୁପ୍ Dରୁ ଦକ୍ଷିଣ ଆଫ୍ରିକା ସୁପର ୮ ପାଇଁ ଯୋଗ୍ୟତା ଅର୍ଜନ କରିଛି। ଭାରତ ତାଙ୍କର ପ୍ରଥମ ସୁପର ୮ ମ୍ୟାଚ୍ ଫେବୃଆରୀ ୨୨ ତାରିଖରେ ଅହମ୍ମଦାବାଦର Narendra Modi Stadium ରେ ଦକ୍ଷିଣ ଆଫ୍ରିକା ବିପକ୍ଷରେ ଖେଳିବ।
ଦ୍ୱିତୀୟ ସୁପର ୮ ମ୍ୟାଚ୍ – ଜିମ୍ବାୱେ
ପ୍ରଥମ ମ୍ୟାଚ୍ ପରେ ଭାରତ ଚେନ୍ନାଇର M. A. Chidambaram Stadium କୁ ଯିବ। ଦ୍ୱିତୀୟ ସୁପର ୮ ମ୍ୟାଚ୍ ଜିମ୍ବାୱେ ବିପକ୍ଷରେ ହେବ। ଆସନ୍ତା ଫେବୃଆରୀ ୨୬ରେ ଜିମ୍ବାୱେ ବିପକ୍ଷରେ ଖେଳାଯିବ ଦ୍ଵିତୀୟ ସୁପର ୮ ମ୍ୟାଚ୍ ।
ତୃତୀୟ ସୁପର ୮ ମ୍ୟାଚ୍ – ୱେଷ୍ଟଇଣ୍ଡିଜ୍ ବିପକ୍ଷରେ
ଭାରତ ମାର୍ଚ୍ଚ ୧ ତାରିଖରେ କୋଲକାତାର Eden Gardens ରେ ୱେଷ୍ଟଇଣ୍ଡିଜ୍ ବିପକ୍ଷରେ ସୁପର ୮ର ଶେଷ ମ୍ୟାଚ୍ ଖେଳିବ।
ସେମିଫାଇନାଲ ପାଇଁ କଣ ଆବଶ୍ୟକ?
ସେମିଫାଇନାଲକୁ ପହଞ୍ଚିବା ପାଇଁ ଭାରତକୁ ସୁପର ୮ ରେ ଅତି କମରେ ଦୁଇଟି ମ୍ୟାଚ୍ ଜିତିବା ଆବଶ୍ୟକ। ଦୁଇଟି ଜୟ ହେଲେ ସେମାନଙ୍କର ସେମିଫାଇନାଲ ଆଶା ମଜବୁତ ହେବ। ବର୍ତ୍ତମାନର ଫର୍ମ ଦେଖି ଲାଗୁଛି ଯେ ଟିମ୍ ଇଣ୍ଡିଆ ଏଥର ଟ୍ରଫି ଜିତିବାକୁ ପୁରା ତୟାରିରେ ଅଛି।
