ଆଗାମୀ ଆଇପିଏଲରେ ମ୍ୟାଚ୍ ଦିନଗୁଡ଼ିକରେ ରୟାଲ ଚ୍ୟାଲେଞ୍ଜର୍ସ ବେଙ୍ଗାଲୁରୁର ଖେଳାଳିମାନେ ୧୧ ନମ୍ବର ଜର୍ସି ପିନ୍ଧି ତାଲିମ ନେବେ ଏବଂ ଫ୍ରାଞ୍ଚାଇଜ୍ ଗତ ବର୍ଷ ବେଙ୍ଗାଲୁରୁର ଏମ୍ ଚିନ୍ନାସ୍ୱାମୀ ଷ୍ଟାଡିୟମ ବାହାରେ ଏକ ଦୁଃଖଦ ଦଳାଚକଟାରେ ମୃତ୍ୟୁବରଣ କରିଥିବା ପ୍ରଶଂସକଙ୍କ ସମ୍ମାନାର୍ଥେ ୧୧ ସିଟ୍ ମଧ୍ୟ ଖାଲି ରଖାଯିବ । ଜୁନ୍ ୪ ତାରିଖରେ ଦଳର ପ୍ରଥମ ଆଇପିଏଲ୍ ଟ୍ରଫି ବିଜୟ ପରେ ଆର୍ସିବିର ଉତ୍ସବ ପାଳନ ସମୟରେ ହୋଇଥିବା ବିଶୃଙ୍ଖଳା ଯୋଗୁଁ ହୋଇଥିବା ଦଳାଚକଟାରେ ପ୍ରଶଂସକମାନେ ପ୍ରାଣ ହରାଇଥିଲେ। ଆବଶ୍ୟକ ସୁରକ୍ଷା ଅନୁମତି ବିନା ଲକ୍ଷ ଲକ୍ଷ ଲୋକଙ୍କୁ ରାସ୍ତାକୁ ଟାଣି ଆଣି ଉତ୍ସବ ପାଳନ କରିବା ପାଇଁ ଫ୍ରାଞ୍ଚାଇଜ୍ ତୀବ୍ର ସମାଲୋଚନାର ଶିକାର ହୋଇଥିଲା।
କର୍ଣ୍ଣାଟକ ରାଜ୍ୟ କ୍ରିକେଟ୍ ସଂଘ (କେଏସସିଏ) ଏବଂ ରୟାଲ୍ ଚ୍ୟାଲେଞ୍ଜର୍ସ ବେଙ୍ଗାଲୁରୁ (ଆର୍ସିବି) ମିଳିତ ଭାବେ ଏହି ଯୋଜନା କରିଛନ୍ତି । ମୃତ ପ୍ରଶଂସକଙ୍କ ମଧ୍ୟରେ ମଧ୍ୟ ଜଣେ ୧୪ ବର୍ଷୀୟ କିଶୋର ଥିଲେ । ଏମାନଙ୍କ ସ୍ମୃତିରେ ଏକ ପ୍ରମୁଖ ଷ୍ଟାଣ୍ଡ୍ର ୧୧ଟି ସିଟ୍କୁ ସ୍ଥାୟୀ ଭାବେ ସଂରକ୍ଷିତ ରଖାଯିବ ଏବଂ ଏହାର ଟିକେଟ୍ କେବେ ବି ବିକ୍ରି କରାଯିବ ନାହିଁ ।
