୨୧ ମାସ ପରେ ODI ଦଳକୁ ଫେରିଛନ୍ତି ଅଶ୍ୱିନ; ଗତ ୫ ଟି ମ୍ୟାଚରେ କିପରି ଥିଲା ପ୍ରଦର୍ଶନ ଜାଣନ୍ତୁ

ମୁମ୍ବାଇ: ODI ବିଶ୍ୱକପ ପୂର୍ବରୁ ଅଷ୍ଟ୍ରେଲିଆ ବିପକ୍ଷ ୩ ମ୍ୟାଚ୍ ବିଶିଷ୍ଟ ODI ସିରିଜ ପାଇଁ ସେପ୍ଟେମ୍ବର ୧୮ ରେ ଟିମ୍ ଇଣ୍ଡିଆ ଘୋଷଣା କରାଯାଇଥିଲା । ପ୍ରଶଂସକଙ୍କ ପାଇଁ ସବୁଠାରୁ ଆଶ୍ଚର୍ୟ୍ୟଜନକ ନିଷ୍ପତ୍ତି ହେଲା ୨୧ ମାସ ପରେ ଅଭିଜ୍ଞ ଅଫ୍ ସ୍ପିନର ରବିଚନ୍ଦ୍ରନ ଅଶ୍ୱିନଙ୍କୁ ODI ଦଳକୁ ଫେରିବା। ସିରିଜର ସମସ୍ତ ତିନୋଟି ମ୍ୟାଚ୍ ପାଇଁ ଅଶ୍ୱିନ୍ଙ୍କୁ ଦଳରେ ସାମିଲ କରାଯାଇଛି ଏବଂ ବର୍ତ୍ତମାନ ଏହା ମଧ୍ୟ ଅନୁମାନ କରାଯାଉଛି ଯେ ତାଙ୍କୁ ମଧ୍ୟ ଏକଦିବସୀୟ ବିଶ୍ୱକପ୍ ପାଇଁ ଦଳରେ ଅନ୍ତର୍ଭୁକ୍ତ କରାଯାଇପାରିବ ।
୨୦୨୨ ବର୍ଷ ଆରମ୍ଭରେ ଦକ୍ଷିଣ ଆଫ୍ରିକା ବିପକ୍ଷରେ ଭାରତୀୟ ଦଳ ପାଇଁ ରବିଚନ୍ଦ୍ରନ୍ ଅଶ୍ୱିନ୍ ତାଙ୍କର ଶେଷ ମ୍ୟାଚ୍ ୫୦ ଓଭର ଫର୍ମାଟରେ ଖେଳିଥିଲେ। ୨୦୧୦ ରେ ତାଙ୍କର ପ୍ରଥମ ODI ମ୍ୟାଚ୍ ଖେଳିଥିବା ଅଶ୍ୱିନ୍, ୨୦୧୭ ପର୍ୟ୍ୟନ୍ତ ଏହି ଫର୍ମାଟରେ ଟିମ୍ ଇଣ୍ଡିଆର ଜଣେ ଗୁରୁତ୍ୱପୂର୍ଣ୍ଣ ସଦସ୍ୟ ଥିଲେ। ଏହା ପରେ କୁଲଦୀପ ଯାଦବ ଏବଂ ୟୁଜବେନ୍ଦ୍ର ଚହଲଙ୍କ ଆଗମନ ହେତୁ ତାଙ୍କୁ ସ୍ଥାନ ହରାଇବାକୁ ପଡିଲା। ୨୦୧୧ ମସିହାରେ ଭାରତ ବିଶ୍ୱକପ ଜିତିବା ବେଳେ ୩୭ ବର୍ଷୀୟ ଅଶ୍ୱିନ ଦଳର ଏକ ଅଂଶ ଥିଲେ । ଅଶ୍ୱିନ ଏପର୍ୟ୍ୟନ୍ତ ODI ବିଶ୍ୱକପରେ ୧୦ ଟି ମ୍ୟାଚ୍ ଖେଳିଛନ୍ତି ଏବଂ ହାରାହାରି ୨୪.୮୮ ରେ ୧୭ ଟି ୱିକେଟ୍ ନେଇଛନ୍ତି।
ଏସିଆ କପରେ ଅକ୍ଷର ପଟେଲଙ୍କ ଆଘାତ ପରେ ଅଶ୍ୱିନଙ୍କ ଅଭିଜ୍ଞତାକୁ ବିଚାରକୁ ନେଇ ସେ ଅଷ୍ଟ୍ରେଲିଆ ବିପକ୍ଷ ସିରିଜରେ ସ୍ଥାନ ପାଇଛନ୍ତି। ଅଶ୍ୱିନ୍ ମଧ୍ୟ ନିମ୍ନ କ୍ରମରେ ଜଣେ ଭଲ ବ୍ୟାଟ୍ସମ୍ୟାନ୍ଙ୍କ ଭୂମିକା ଗ୍ରହଣ କରିପାରନ୍ତି । ବର୍ତ୍ତମାନ ପର୍ୟ୍ୟନ୍ତ ଅଶ୍ୱିନ ଭାରତୀୟ ଦଳ ପାଇଁ ୧୧୩ ଟି ଦିନିକିଆ ମ୍ୟାଚରେ ହାରାହାରି ୩୩.୫ ୱିକେଟ୍ ନେଇଛନ୍ତି। ଏଥି ସହିତ ସେ ୭୦୭ ରନ୍ ସଂଗ୍ରହ କରିଛନ୍ତି, ଯେଉଁଥିରେ ଅର୍ଦ୍ଧଶତକୀୟ ଇନିଂସ ମଧ୍ୟ ରହିଛି।
ଯଦି ଆମେ ODIରେ ଗତ ୫ ଟି ମ୍ୟାଚରେ ଅଶ୍ୱିନଙ୍କ ପ୍ରଦର୍ଶନକୁ ଦେଖିବା, ତେବେ ଏହା ବିଶେଷ କିଛି ହୋଇନାହିଁ ।ଜାନୁଆରୀ ୨୦୨୨ ରେ ଦକ୍ଷିଣ ଆଫ୍ରିକା ବିପକ୍ଷ ୩ ମ୍ୟାଚ୍ ବିଶିଷ୍ଟ ODI ସିରିଜରେ ୨ ଟି ମ୍ୟାଚ୍ ଖେଳିବାବେଳେ ଅଶ୍ୱିନ ମାତ୍ର ୧ ୱିକେଟ୍ ନେଇଥିଲେ। ଏହାପୂର୍ବରୁ, ୨୦୧୭ ରେ ୱେଷ୍ଟଇଣ୍ଡିଜ୍ ଗସ୍ତରେ ଖେଳାଯାଇଥିବା ୫ ମ୍ୟାଚ୍ ବିଶିଷ୍ଟ ODI ସିରିଜରେ ଅଶ୍ୱିନ୍ ୨ ଟି ମ୍ୟାଚ୍ ଖେଳିବାର ସୁଯୋଗ ପାଇଥିଲେ ଏବଂ ଏଥିରେ ସେ ମାତ୍ର ୪ ୱିକେଟ୍ ନେଇପାରନ୍ତି । ୨୦୧୭ ର ଚାମ୍ପିଅନ୍ସ ଟ୍ରଫି ଫାଇନାଲରେ ଅଶ୍ୱିନ ଗୋଟିଏ ୱିକେଟ୍ ନେବାରେ ମଧ୍ୟ ସଫଳ ହୋଇନଥିଲେ ।