ଡବଲିନ : ମାଲାହାଇଡ କ୍ରିକେଟ କ୍ଲବ ଗ୍ରାଉଣ୍ଡରେ ରବିବାର ଭାରତ ଓ ଆୟାରଲାଣ୍ଡ ମଧ୍ୟରେ ଶେଷ ହୋଇଛି ପ୍ରଥମ ଟି-୨୦ ମ୍ୟାଚ । ଏହି ମ୍ୟାଚରେ ଭାରତ ୭ ୱିକେଟ ବିଜୟୀ ହୋଇଛି । ବର୍ଷା ବାଧାପ୍ରାପ୍ତ ଏହି ମ୍ୟାଚ ୧୨ ଓଭର ବିଶିଷ୍ଟ ହୋଇଥିଲା । ଟିମ୍ ଇଣ୍ଡିଆ କ୍ୟାପଟେନ ହାର୍ଦ୍ଦିକ ପାଣ୍ଡିଆ ଟସ ଜିତି ପ୍ରତିପକ୍ଷ ଦଳକୁ ବ୍ୟାଟିଂ କରିବାକୁ ଆହ୍ୱାନ ଦେଇଥିଲେ । ଆମନ୍ତ୍ରଣ ପାଇଁ ଆୟାରଲାଣ୍ଡ ପକ୍ଷରୁ ପଲ ଷ୍ଟର୍ଲିଙ୍ଗ ଏବଂ ଆଣ୍ଡି ବାଲବିରନେ ବ୍ୟାଟିଂ କରିଥିଲେ ।
ମାତ୍ର ପ୍ରଥମ ଓଭରରେ ଭୁବନେଶ୍ୱର କୁମାରଙ୍କ ବୋଲିଂରେ ଆଣ୍ଡି କୌଣସି ରନ ନକରି ଆଉଟ ହୋଇଥିଲେ । ପରେ ଦ୍ୱିତୀୟ ଓଭରରେ ହାର୍ଦ୍ଦିକ ପାଣ୍ଡିଆଙ୍କ ବୋଲିଂରେ ମାତ୍ର ୪ ରନ୍ ପାଭିଲିୟନ ଫେରିଥିଲେ । ସେହିପରି ଗରେଥ ଡିଲାନୀ ମାତ୍ର ୮ ରନ କରି ଆଭେସ ଖାନଙ୍କ ଶିକାର ହୋଇଥିଲେ । ପରେ ହାରୀ ଟେକ୍ଟର ଏବଂ ଲୋନକାନ ଟୁକରଙ୍କ ବ୍ୟାଟରୁ କିଛି ଭଲ ସଟ ଦେଖିବାକୁ ମିଳିଥିଲା । ପରେ ଟୁକ୍କର ୧୮ ରନ କରି ଯୁଜଭେନ୍ଦ୍ର ଚହଲଙ୍କ ବୋଲିଂରେ ଆଉଟ ହୋଇ ପାଭିଲିୟନ ଫେରିଥିଲେ । ତେବେ ଖେଳର ୧୨ତମ ଓଭର ସୁଦ୍ଧା ହାରୀ ଟେକ୍ଟର ଅପରାଜିତ ୬୪ ଏବଂ ଜର୍ଜ ଡକ୍ୱେଲ ଅପରାଜିତ ୪ ରନ୍ ବଳରେ ଆୟାରଲାଣ୍ଡ ୪ ୱିକେଟରେ ୧୦୮ ରନ୍ କରିଥିଲେ । ତେବେ ଭାରତ ପକ୍ଷରୁ ବୋଲିଂରେ ଭୁବନେଶ୍ୱର କୁମାର, ହାର୍ଦ୍ଦିକ ପାଣ୍ଡିଆ, ଆଭେଶ ଖାନ, ଯୁଜବେନ୍ଦ୍ର ଚହଲ ଗୋଟିଏ ଲେଖାଏଁ ୱିକେଟ ଅକ୍ତିଆର କରିଥିଲେ ।
ଏହାର ଜବାବରେ ଟିମ ଇଣ୍ଡିଆ ୧୦୯ରନର ବିଜୟ ଲକ୍ଷ୍ୟ ରଖି ଦୀପକ ହୁଡା ଓ ଇଶାନ କିଶାନ ବ୍ୟାଟିଂ କରିଥିଲେ । ଭାରତ ପକ୍ଷରୁ ଇଶାନ କିଶାନ (୨୬), ହାର୍ଦ୍ଦିନ ପାଣ୍ଡିଆ (୨୪) ଏବଂ ଦୀପକ ହୁଡା ଅପରାଜିତ (୪୭) ଓ ଦିନେଶ କାର୍ତ୍ତିକ ଅପରାଜିତ (୫) ରନ ବଳରେ ୩ ୱିକେଟ ବିନିମୟରେ ୧୧୧ ରନ୍ କରି ଟିମ୍ ଇଣ୍ଡିଆ ୭ ୱିକେଟରେ ବିଜୟୀ ହୋଇଥିଲା । ଏହି ମ୍ୟାଚରେ ୩ ଓଭରରେ ମାତ୍ର ୧୧ ରନ ଦେଇ ଗୋଟିଏ ୱିକେଟ ନେଇଥିବା ଯୁଜବେନ୍ଦ୍ର ଚହଲଙ୍କୁ ପ୍ଲେୟାର ଅଫ ଦ ମ୍ୟାଚ ଭାବେ ଘୋଷିତ ହୋଇଥିଲେ । ଆସନ୍ତା ମଙ୍ଗଳବାର ଉଭୟ ଦଳ ମଧ୍ୟରେ ଦ୍ୱିତୀୟ ଟି-୨୦ ମ୍ୟାଚ ଡବଲିନ ଠାରେ ଖେଳାଯିବ ।
