ନୂଆଦିଲ୍ଲୀ : ଭାରତ ୨୦୩୬ ମସିହା ଅଲିମ୍ପିକ୍ସ କ୍ରୀଡ଼ାର ଆୟୋଜନ ପାଇଁ ଆବେଦନ କରିବ । ଏହି ସଂମ୍ପର୍କରେ ଆଇ.ଓ.ସି ପାଖରେ ଆବେଦନ କରାଯିବ । ଆଇଓସିର ବୈଠକ ୨୦୨୩ ସେପ୍ଟେମ୍ବର ମାସରେ ହେବ ଅନୁଷ୍ଠିତ । ଆଉ ସେହି ସମୟରେ ଭାରତ ପକ୍ଷରୁ ହୋଷ୍ଟିଂ ଅଧିକାରୀମାନେ ଆବେଦନ କରାଯିବ ବୋଲି କହିଛନ୍ତି କେନ୍ଦ୍ର କ୍ରୀଡ଼ା ମନ୍ତ୍ରୀ ଅନୁରାଗ ଠାକୁର । ସେ କହିଛନ୍ତି, ସରକାର ପୂର୍ଣ୍ଣ ସମର୍ଥନ କରିବେ ଭାରତୀୟ ଅଲିମ୍ପିକ ଆସୋସିଏସନର ହୋଷ୍ଟିଂ ଆବେଦନକୁ । ଗୁଜରାଟର ଅହମଦାବାଦରେ ଅଲିମ୍ପିକ୍ସ ଆୟୋଜନ କରିବାକୁ ଚେଷ୍ଟା କରାଯିବ । କାରଣ ଅହମଦାବାଦରେ ବିଶ୍ୱସ୍ତରୀୟ କ୍ରୀଡ଼ା ଭିତ୍ତିଭୂମି ରହିଛି । ଭାରତ ପୂର୍ବରୁ ୧୯୮୨ ଏସିଆନ ଗେମ୍ସ ଓ ୨୦୧୦ ରାଜ୍ୟଗୋଷ୍ଠୀ କ୍ରୀଡ଼ା ଆୟୋଜନ କରିଥିଲା । ଏବେ ଦେଶ ଅଲିମ୍ପିକ୍ସ ଆୟୋଜନ କରିବାକୁ ଚାହୁଁଛି । ଯଦି ଭାରତ ଜି-୨୦ କାର୍ୟ୍ୟକ୍ରମକୁ ଏତେ ଭବ୍ୟର ସହ ଭାବେ ଆୟୋଜନ କରିପାରୁଛି, ତା’ହେଲେ ମୁଁ ନିଶ୍ଚିତ ଯେ ସରକାର ଆଇଓଏ ପକ୍ଷରୁ ଆବେଦନ ହେବାକୁ ଥିବା ଅଲିମ୍ପିକ୍ସ ହୋଷ୍ଟିଂ ଅଧିକାରୀଙ୍କୁ ମଧ୍ୟ ପୂର୍ଣ୍ଣ ସମର୍ଥନ କରିବେ।
