ମରକ୍କୋ ହାରିବାକୁ ଗ୍ରହଣ କରୁନାହାନ୍ତି ଫ୍ୟାନ୍ସ, ଗଣ୍ଡୋଗୋଳ ସହ ପୋଡାଜଳା

ଦୋହା: ଫିଫା ଫୁଟବଲ ବିଶ୍ୱକପ ସେମିରେ ହାରିଛି ମରକ୍କୋ । ଫିଫା ଫୁଟବଲ ବିଶ୍ୱକପ ସେମିରେ ପହଞ୍ଚିଥିବା ପ୍ରଥମଥର ପାଇଁ ଆଫ୍ରିକୀୟ ଦେଶ ମରକ୍କୋ ଶେଷରେ ହାରି ଯାଇଛି। ସେମିଫାଇନାଲରେ ଫ୍ରାନ୍ସ ଠାରୁ ୦-୨ରେ ପରାଜୟ ହେବା ପରେ ବିଜୟର ଆଶା ଚୁରୁମାର ହୋଇଛି । ମରକ୍କୋ ଏତେ ସଙ୍ଘର୍ଷ କରି ଫାଇନାଲରେ ବଞ୍ଚିତ ହେବାରୁ ତାଙ୍କ ଫ୍ୟାନ୍ସ ଏକଥା ଗ୍ରହଣ କରିପାରୁ ନାହାନ୍ତି । ସେଥିପାଇଁ ସେମାନେ ଗଣ୍ଡଗୋଳ କରିବା ସହ ପୋଡ଼ାଜଳା କରିଛନ୍ତି । ତେବେ ମରକ୍କୋ କିମ୍ବା ବିଶ୍ୱକପ ଖେଳା ଯାଉଥିବା କତାରରେ ଫ୍ୟାନ୍ସ ବିଶୃଙ୍ଖଳା ଆଚରଣ ପ୍ରଦର୍ଶନ କରି ନାହାନ୍ତି ବରଂ ବେଲଜିୟମର ରାଜଧାନୀ ବ୍ରସେଲ୍ସରେ ସବୁ କିଛି ଘଟିଛି । ରାସ୍ତାକୁ ଓହ୍ଲାଇ ବ୍ରସେଲ୍ସରେ ରହୁଥିବା ପ୍ରାୟ ୧୦୦ରୁ ଅଧିକ ମରକ୍କୋ ଫ୍ୟାନ ସେମାନଙ୍କ ଅସନ୍ତୋଷ ପ୍ରକାଶ କରିଛନ୍ତି ।