ପୂର୍ବତନ ଭାରତୀୟ କ୍ରିକେଟର ଗୌତମ ଗମ୍ଭୀର ସବୁବେଳେ ନିଜ ବୟାନକୁ ନେଇ ଚର୍ଚ୍ଚାରେ ରହିଥାନ୍ତି । ଗତ କିଛି ଦିନ ପୂର୍ବେ ଆଇପିଏଲରେ ଉଭୟ ଗମ୍ଭୀର ଓ କୋହଲିଙ୍କ ମଧ୍ୟରେ ଯେଉଁ ଘଟଣା ଘଟିଥିଲା ତାହା କ୍ରିକେଟପ୍ରେମୀଙ୍କୁ ନିରାଶ କରିଥିଲା । ପଡିଆ ମଧ୍ୟରେ ଗମ୍ଭୀର ଓ କୋହଲିଙ୍କର ଏଭଳି ଆଭିମୁଖ୍ୟକୁ ସମସ୍ତେ ନାପସନ୍ଦ କରିଥିଲେ । ତେବେ ଦୀର୍ଘ ଦିନ ପରେ ଏହି ପ୍ରସଙ୍ଗରେ ମୁହଁ ଖୋଲିଛନ୍ତି ଗୌତମ ଗମ୍ଭୀର ।
ଗମ୍ଭୀର କହିଛନ୍ତି, ଆମ ଭିତରେ କୌଣସି ଯୁକ୍ତିତର୍କ ହେଲେ ତାହା ପଡିଆ ଭିତରେ ହିଁ ସୀମିତ ରହିଥାଏ । ବ୍ୟକ୍ତିଗତ ଭାବେ ଆମ ଭିତରେ କୌଣସି ମତଭେଦ ନାହିଁ । ଗମ୍ଭୀର କହିଛନ୍ତି, ନବୀନ ଉଲ୍ ହକ୍ ନିଜ ସ୍ଥାନରେ ଠିକ୍ ଥିଲେ । ତେଣୁ ମୁଁ ତାଙ୍କୁ ସାଥ ଦେଇଥିଲି । କେବଳ ନବୀନ ନୁହଁନ୍ତି ଯିଏ ଠିକ୍ ତାଙ୍କ ସହ ମୁଁ ମରିବା ପର୍ୟ୍ୟନ୍ତ ସାଥ୍ ଦେବି । ଅନେକ ଲୋକ ପଚାରୁଛନ୍ତି କୋହଲି ଓ ଧୋନୀଙ୍କ ସହ କେମିତି ସମ୍ପର୍କ? ସମସ୍ତେ ଜାଣିବା ଦରକାର ଧୋନୀ ଓ କୋହଲିଙ୍କ ସହ ଏକାଭଳି ସମ୍ପର୍କ । ଦେଶ ପାଇଁ ଏବେ ପର୍ୟ୍ୟନ୍ତ କୋହଲି ଯାହା କରିଛନ୍ତି ସେଥିପାଇଁ ମୁଁ ତାଙ୍କୁ ସମ୍ମାନ କରେ ।
