ମହିଳା ଟିମ୍ ଇଣ୍ଡିଆର ପ୍ରଥମ ବିଶ୍ୱ ଚାମ୍ପିଅନସିପରେ ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରିଥିବା ଷ୍ଟାର ଓପନର ସ୍ମୃତି ମନ୍ଧାନା ଖୁବଶୀଘ୍ର ହାତକୁ ଦି ହାତ ହେବାକୁ ଯାଉଛନ୍ତି । ଭାରତୀୟ ମହିଳା କ୍ରିକେଟ ଦଳର ଉପ-ଅଧିନାୟିକା ସ୍ମୃତି ମନ୍ଧାନା ନଭେମ୍ବର ୨୦ ତାରିଖରେ ପ୍ରେମିକ ତଥା ସଂଗୀତ ନିର୍ଦ୍ଦେଶକ ପଲାଶ ମୁଚାଲଙ୍କୁ ବିବାହ କରିବାକୁ ଯାଉଛନ୍ତି । ଏବେ ସ୍ମୃତି ମନ୍ଧାନା ଏବଂ ପଲାଶଙ୍କ ବିବାହ କାର୍ଡ ମଧ୍ୟ ସୋସିଆଲ ମିଡିଆରେ ଭାଇରଲ ହେବାରେ ଲାଗିଛି ।
ସ୍ମୃତି ଗତ ଛଅ ବର୍ଷ ଧରି ପଲାଶଙ୍କ ସହିତ ସମ୍ପର୍କରେ ଅଛନ୍ତି । ଏବେ ଦୁହେଁ ସେମାନଙ୍କ ସମ୍ପର୍କକୁ ଏକ ନୂତନ ନାମ ଦେବାକୁ ଯାଉଛନ୍ତି । ସ୍ମୃତି ମନ୍ଧାନା କ୍ରିକେଟ ସହିତ ଜଡିତ ଥିବା ବେଳେ, ତାଙ୍କ ଭାବି ସ୍ୱାମୀ ପଲାଶ ଜଣେ ଚଳଚ୍ଚିତ୍ର ପ୍ରଯୋଜକ । ସ୍ମୃତି ଏବଂ ପଲାଶଙ୍କ ବିବାହରେ ଟିମ୍ ଇଣ୍ଡିଆର ଖେଳାଳିମାନେ ଉପସ୍ଥିତ ରହିବେ ଏବଂ ଦଳର ଅଧିନାୟକ ହରମନପ୍ରୀତ କୌର ଏ ସମ୍ପର୍କରେ ଏକ ଗୁରୁତ୍ୱପୂର୍ଣ୍ଣ ସୂଚନା ପ୍ରଦାନ କରିଛନ୍ତି ।
