ଭୁବନେଶ୍ୱର : ଓଡିଶାର ନାମ ରୋଷନ କଲେ ୩ ଓଡିଆ ଝିଅ । ଶ୍ରୀଲଙ୍କାର କଲମ୍ବୋରେ ଚାଲିଥିବା ଦକ୍ଷିଣ ଏସିୟ କରାଟେ ଚାମ୍ପିୟନଶିପ୍ ରେ ଓଡିଶାର ୩ ଓଡିଆ ଝିଅ ଭାଲେନା ଭାଲେଣ୍ଟିନା, ମଧୁପ୍ରିୟା ବାଇ ଓ ବ୍ରତତୀ ବିଶ୍ୱପ୍ରଭା ପତି ବ୍ରୋଞ୍ଜ୍ ପଦକ ହାସଲ କରିଛନ୍ତି । ଭାଲେଣ୍ଟିନା ସିନିୟର ବ୍ୟକ୍ତିଗତ ମହିଳା କାଟା, ମଧୁପ୍ରିୟା କ୍ୟାଡେଟ୍ ବ୍ୟକ୍ତିଗତ ମହିଳା କାଟାର ସେମିଫାଇନାଲରେ ପ୍ରବେଶ କରିଥିଲେ । ହେଲେ ସେଠାରେ ଶ୍ରୀଲଙ୍କା ପ୍ରତିଦ୍ୱନ୍ଦୀଙ୍କ ଠାରୁ ପଛରେ ରହିଯିବାରୁ ବା ହାରି ଯିବାରୁ ବ୍ରୋଞ୍ଜ ପଦକ ହାସଲ କରିଥିଲେ । କିନ୍ତୁ ବ୍ରତତୀ ତାଙ୍କ ପ୍ରତିଦ୍ୱନ୍ଦୀ ଶ୍ରୀଲଙ୍କାର ସମକକ୍ଷ ପଏଣ୍ଟ ପାଇଥିଲେ । ତେଣୁ ପ୍ରଥମ ପଏଣ୍ଟ ଆଧାରରେ ବ୍ରୋଞ୍ଜ ପଦକ ଆଣିଥିଲେ । ବ୍ରୋଞ୍ଜ ପଦକ ବିଜେତାଙ୍କୁ ଓଡ଼ିଶା ରାଜ୍ୟ କରାଟେ ସଂଘ ସମ୍ପାଦକ ଗୌରୀ ମହାନ୍ତି ଓ କୋଚ୍ ହରିପ୍ରସାଦ ପଟ୍ଟନାୟକ ଅଭିନନ୍ଦନ ଜଣାଇଛନ୍ତି।
