ସୋସିଆଲ ଲାଇଫରୁ ଦୂରେଇ ରହୁଛନ୍ତି ବିରୁଷ୍କା

ମୁମ୍ବାଇ:ବିରାଟ କୋହଲି ଏବଂ ଅନୁଷ୍କା ଶର୍ମାଙ୍କ ଯୋଡି ବେଶ୍ ଚର୍ଚ୍ଚିତ । ଦୁହିଁଙ୍କୁ ଅନେକ ସ୍ଥାନରେ ଏକାଠି ଦେଖିବାକୁ ମିଳିଥାଏ। ନିକଟରେ ଦୁହେଁ ଇଣ୍ଡିଆନ ସ୍ପୋଟର୍ସ ଓନର୍ସର ରେଡ କାରପେଟରେ ଏକାଠି ନଜର ଆସିଥିଲେ । ଏହି ସମୟରେ ବିରାଟ ଏବଂ ଅନୁଷ୍କା ନିଜ ସଂପର୍କକୁ ନେଇ ଅନେକ ଖୁଲାସା କରିଥିଲେ ।
ତେବେ ଏନେଇ ବିରୁଷ୍କା କହିଛନ୍ତି ଛୁଆ ହେବା ପରେ ଅନେକ କାମରୁ ନିଜକୁ ବିରତି ନେବାକୁ ପଡେ । ପାର୍ଟି କିମ୍ବା ସୋସିଆଲ ଲାଇଫରୁ ଦୂରେଇ ରହିବାକୁ ପଡେ । ଘରେ ସମୟ ବିତାଇବାକୁ ପଡେ । ପରସ୍ପରକୁ ସମୟ ଦେଉ । ତେଣୁ ବାହାରକୁ ଯିବାକୁ ଚାହୁଁନାହୁଁ । ନିଜ ପରିବାର ସହିତ ସମୟ ବିତାଇବାର ମଜା ନିଆରା ।
ଅନୁଷ୍କା କହିଛନ୍ତି, ବିରାଟଙ୍କର ବିଚକ୍ଷଣ ବୁଦ୍ଧି । ସେ ଅନେକ ଜିନିଷକୁ ମନେ ରଖନ୍ତି । କିନ୍ତୁ ବେଳେ ବେଳେ ଛୋଟ ଛୋଟ ଜିନିଷ ଭୁଲିଯାଆନ୍ତି । ବିରାଟଙ୍କୁ ଅନୁଷ୍କା କିଛି ଖାସ୍ ତାରିଖ ମନେ ରଖିବାକୁ କୁହନ୍ତି । ଆଉ ବିରାଟଙ୍କର ଏଭଳି ଅନ୍ଦାଜ ଅନୁଷ୍କାଙ୍କୁ ପସନ୍ଦ ମଧ୍ୟ ଆସିଥିଲା ।