ଅକ୍ଟୋବରରେ ଆୟୋଜନ ହେବାକୁ ଥିବା ଦିନିକିଆ ବିଶ୍ୱକପ ୨୦୨୩ ପାଇଁ ସୂଚୀ ଘୋଷଣା କରିଛି ଆଇସିସି । ଆଉ ଏଥିପାଇଁ ୧୮ ଜୁନରୁ ଜିମ୍ବାୱେ ବିଶ୍ବକପ ପାଇଁ କ୍ବାଲିଫାୟାର ମ୍ୟାଚ୍ ଖେଳାଯାଉଛି । ୧୦ ଟିମ୍ ମଧ୍ୟରେ ଆଉ ବାକି ୨ଟି ସ୍ଥାନ ପାଇଁ କ୍ବାଲିଫାୟାର ଲଢେଇ ଚାଲିଛି । ତେବେ ୪ଟି ଟିମର ବିଶ୍ବକପ ଖେଳିବା ସ୍ବପ୍ନ ଭାଙ୍ଗିଯାଇଛି । ଗତ ଶନିବାର ଦିନ ଜିମ୍ବାୱେ ୱେଷ୍ଟଇଣ୍ଡିଜକୁ ହରାଇବା ପରେ ପଏଣ୍ଟ ଟେବୁଲ ବଦଳିଯାଇଛି । ଆଉ ଟୁର୍ଣ୍ଣାମେଣ୍ଟରୁ ବାଦ୍ ପଡିଛି ୪ଟି ଦେଶ ।
ନେପାଳ, ୟୁନାଇଟେଡ୍, ୟୁଏଇ ପରେ ଆର୍ୟଲାଣ୍ଡ ମଧ୍ୟ ବିଶ୍ବକପରୁ ବାଦ୍ ପଡିଛି । ତେବେ ଏଥିପାଇଁ ୮ଟି ଟିମ୍ ନିଜ ସ୍ଥାନ ପକ୍କା କରି ସାରିଥିବା ବେଳେ ଅନ୍ୟ ଦୁଇଟି ସ୍ଥାନ ପାଇଁ କ୍ୱାଲିଫାୟାର ଲଢେଇ ଜାରି ରହିଛି । ଆୟୋଜକ ଭାରତ ସମେତ ଅଷ୍ଟ୍ରେଲିଆ, ଇଂଲଣ୍ଡ, ପାକିସ୍ତାନ, ଆଫଗାନିସ୍ତାନ ବିଶ୍ୱକପରେ ସ୍ଥାନ ପାଇଛନ୍ତି । ଟୁର୍ଣ୍ଣାମେଣ୍ଟ ୮ ଅକ୍ଟୋବରରୁ ଆରମ୍ଭ ହେବ । ବିଶ୍ବକପ ପାଇଁ ୯ଟି ସ୍ଥାନ ପାଇଁ ଲିଷ୍ଟ କରାଯାଇଛି । ଅହମଦାବାଦ, ଚେନ୍ନାଇ, ଲକ୍ଷ୍ନୌ, ମୁମ୍ବାଇ, ବେଙ୍ଗାଲୁରୁ, ଦିଲ୍ଲୀ, କୋଲକତା, ପୁନେ, ଧର୍ମଶାଳା ସାମିଲ ରହିଛି ।
