ଅଲମ୍ପିକ ଟେଷ୍ଟ ଇଭେଣ୍ଟ : ବିଜୟରୁ ଅଭିଯାନ ଆରମ୍ଭ କଲେ ଭାରତୀୟ ମହିଳା ହକି ଟିମ

(ଓଡିଶାସ୍ପୋର୍ଟସ ): ଆଜି ଅଲମ୍ପିକ ଟେଷ୍ଟ ଇଭେଣ୍ଟରେ ଭାରତୀୟ ମହିଳା ହକି ଟିମ ବିଜୟ ଅଭିଯାନରୁ ଯାତ୍ରା ଆରମ୍ଭ କରିଛି । ଏହି ଇଭେଣ୍ଟରେ ଭାରତୀୟ ମହିଳା ହକି ଟିମ୍ ଆୟୋଜକ ଜାପାନକୁ ୨-୧ରେ ପରାସ୍ତ କରିଛି। ଆଜିଠାରୁ ଆରମ୍ଭ ହୋଇଥିବା ମ୍ୟାଚ୍ ଆରମ୍ଭରୁ ଭାରତୀୟ ମହିଳା ଟିମ୍ ନିଜର ଦବଦବା ଦେଖାଇଥିଲା। ଟିମ୍ର ପେନାଲଟି କର୍ଣ୍ଣର ସ୍ପେଶାଲିଷ୍ଟ ଗୁରଜିତ କୌର ମ୍ୟାଚ୍ର ୯ ମିନିଟ୍ରେ ଗୋଲ ଦେଇ ଭାରତକୁ ୧-୦ରେ ଆଗୁଆ କରିଦେଇଥିଲେ। ତେବେ ୧୬ତମ ମିନିଟ୍ରେ ଜାପାନର ଅକି ମିତଶୁହାସି ଚମତ୍କାର ଫିଲ୍ଡ ଗୋଲ କରି ସ୍ଥିତି ୧-୧କୁ ଆଣିଦେଇଥିଲେ।
ଏହାପରେ ଉଭୟ ଦଳ ଅଗ୍ରଣୀ ହେବାକୁ ଚେଷ୍ଟା କରିଥିଲେ। ଭାରତକୁ ମ୍ୟାଚ୍ର ୩୫ତମ ମିନିଟ୍ରେ ପୁଣି ଏକ ପେନାଲଟି କର୍ଣ୍ଣର ମିଳିଥିଲା। ଏହାକୁ ଗୁରଜିତ କୌର ଗୋଲରେ ପରିଣତ କରି ଭାରତକୁ ୨-୧ରେ ଆଗୁଆ କରିଦେଇଥିଲେ।
ଜାପାନ ପକ୍ଷରୁ ସ୍ଥିତି ବରାବର କରିବାକୁ ଚେଷ୍ଟା କରାଯାଇଥିଲେ ହେଁ ଭାରତୀୟ ଡିଫେନ୍ସ ଲାଇନ୍କୁ ଭେଦ କରିବା ସହଜ ହୋଇ ନଥିଲା। ଶେଷରେ ଭାରତ ୨-୧ରେ ମ୍ୟାଚ୍ଟିକୁ କବଜା କରିଥିଲା।