Cricket

ଦିନିକିଆ ସିରିଜରୁ ବାଦ୍‌ ପଡିଲେ ଷ୍ଟାର ବୋଲର ଜସପ୍ରୀତ ବୁମରା

ନୂଆଦିଲ୍ଲୀ: ଶ୍ରୀଲଙ୍କା ବିପକ୍ଷ ଦିନିକିଆ ସିରିଜ ପୂର୍ବରୁ ଟିମ୍‌ ଇଣ୍ଡିଆକୁ ବଡ ଝଟକା । ଦିନିକିଆ ସିରିଜରୁ ବାଦ୍‌ ପଡିଲେ ଷ୍ଟାର ବୋଲର ଜସପ୍ରୀତ ବୁମରା । ଖେଳିବେ ବୋଲି ବିସିସିଆଇ ଟ୍ବିଟ କରି ସୂଚନା ଦେଇଥିଲା। ହେଲେ ଏବେ ବିସିସିଆଇ ନିଜ ନିଷ୍ପତ୍ତି ବଦଳାଇଛି। ଜସପ୍ରୀତ ବୁମରାଙ୍କ ପିଠିରେ ସମସ୍ୟା ହେତୁ ତାଙ୍କୁ ଏତେ ଶୀଘ୍ର ମଇଦାନକୁ ଆଣିବା ଉଚିତ୍ ହେବ ନାହିଁ ବୋଲି ବିସିସିଆଇ ଚିନ୍ତା କରୁଥିବା ଚର୍ଚ୍ଚା ହେଉଛି।

ପୂର୍ବରୁ ଏସିଆ କପ୍ ୨୦୨୨ରେ ପିଠିରେ ସମସ୍ୟା ହେତୁ ବାଦ୍ ପଡିଥିବା ଦ୍ରୁତ ବୋଲର ଜସପ୍ରୀତ ବୁମରାଙ୍କୁ ତରବରିଆ ଭାବେ ଅଷ୍ଟ୍ରେଲିଆ ବିପକ୍ଷ ଟି-୨୦ ସିରିଜରେ ସାମିଲ କରାଯାଇଥିଲା କିନ୍ତୁ ପରେ ଏହି ସମସ୍ୟା ଜଟିଳ ହେବାରୁ ସେ ଟି-୨୦ ବିଶ୍ୱକପରୁ ବାଦ ପଡିଥିଲେ। ଏବେ ସେଭଳି ଭୁଲ ନକରି ବିସିସିଆଇ ତାଙ୍କୁ ବିଶ୍ରାମ ଦେବାକୁ ଶ୍ରୀଲଙ୍କା ବିପକ୍ଷ ଦିନିକିଆ ଶୃଙ୍ଖଳାରେ ସାମିଲ କରୁନଥିବା କୁହାଯାଉଛି। ବୁମରା ନ୍ୟୁଜିଲାଣ୍ଡ ବିପକ୍ଷରେ ୧୮ ଜାନୁଆରୀରେ ହେବାକୁ ଥିବା ସୀମିତ ଓଭର ସିରିଜରେ ଖେଳିପାରନ୍ତି ।

Related posts

ଶ୍ରୀଲଙ୍କା ଗସ୍ତ ପୂର୍ବରୁ ଗୌତମ ଗମ୍ଭୀରଙ୍କ ବଢ଼ିଲା ଚିନ୍ତା

Odisha Sports Bureau

ମୁମ୍ବଇ ଦଳରୁ ବାଦ ପଡିଲେ ସରଫରାଜ ; ଏହି କାରଣକୁ ଖେଳିବେ ନାହିଁ ମ୍ୟାଚ୍

Odisha Sports Bureau

ଧୋନିଙ୍କ ବୟାନକୁ ନେଇ ଚର୍ଚ୍ଚା

Odisha Sports Bureau