(ଓଡିଶା ସ୍ପୋର୍ଟ): ଆଜି ଭାରତ ଏବଂ ନ୍ୟୁଜିଲ୍ୟାଣ୍ଡ ମଧ୍ୟରେ ଖେଳାଯାଇଥିବା ଟି୨୦ ସିରିଜର ପ୍ରଥମ ମ୍ୟାଚରେ ପ୍ରଥମେ ଘରୋଇ ଦଳ ବ୍ୟାଟିଂ ଆରମ୍ଭ କରିଥିଲା । ଭାରତୀୟ ଦଳ ଆଗରେ ନ୍ୟୁଜିଲାଣ୍ଡ ଟିମ ୨୨୦ ରନର ବିଶାଳ ବିଜୟ ଲକ୍ଷ୍ୟ ଛିଡ଼ା କରିଛି।
ଭାରତୀୟ ଦଳର ଅଧିନାୟକ ରୋହିତ ଶର୍ମା ଟସ୍ ଜିତି ପ୍ରଥମେ ବୋଲିଂ କରିବାକୁ ନିଷ୍ପତ୍ତି ନେଇଥିଲେ । ତେବେ ନ୍ୟୁଜିଲାଣ୍ଡର ଦୁଇ ଓପ୍ନର ସବୁ ବୋଲର୍ଙ୍କୁ ନିର୍ଧୁମ ପ୍ରହାର କରି ଧୂଆଁଧାର ରନ୍ ସଂଗ୍ରହ କରିଥିଲେ ।
ଟିମ୍ ସିଫର୍ଟ ଓ କଲିନ ମନରୋ ମାତ୍ର ୮.୨ ଓଭରରେ ୮୬ ରନ୍ ସଂଗ୍ରହ କରିଥିଲେ । କ୍ରୁନାଲ ପାଣ୍ଡ୍ୟା ମନରୋଙ୍କୁ ୩୪ ରନ୍ (୨୦ ବଲ୍, ୨ ଚୌକା ଓ ୨ ଛକା)ରେ ଆଉଟ୍ କରି ଓପନିଂ ଯୋଡ଼ି ଭାଙ୍ଗିଥିଲେ । ସିଫର୍ଟ କିନ୍ତୁ ଦ୍ରୁତ ରନ୍ ସଂଗ୍ରହ କରି ଚାଲିଥିଲେ ଏବଂ ବ୍ୟକ୍ତିଗତ ଭାବେ ମାତ୍ର ୪୩ ବଲ୍ରେ ୮୪ ରନ୍ କରି ଖଲିଲ ଅହମଦଙ୍କ ବଲ୍ରେ ଆଉଟ୍ ହୋଇଥିଲେ । ଏହା ତାଙ୍କର ପ୍ରଥମ ଟି-୨୦ ଅର୍ଦ୍ଧଶତକ । ସେ ତାଙ୍କ ଇନିଂସ୍ରେ ୬ଟି ଛକା ଓ ୭ଟି ଚୌକା ମାରିଥିଲେ । ପରେ ଅଧିନାୟକ କେନ୍ ଓ୍ଵଲିୟମସନ୍ ୨୨ ବଲ୍ରୁ ୩୪ ରନ୍ କରିଥିଲେ । ଏମାନଙ୍କ ପରେ ରଜ୍ ଟେଲର୍ ୧୪ ବଲ୍ରେ ୨୨ ରନ୍ ଏବଂ ସ୍କଟ୍ କୁଗେଲିଇନ୍ ଅପରାଜିତ ୨୦ ରନ୍ (୭ ବଲ୍, ୩ ଚୌକା ଓ ୧ ଛକା) କରିଥିଲେ । ଭାରତ ପକ୍ଷରୁ ୫ ଜଣ ବୋଲର ଭାଗ କରି ଓ୍ଵିକେଟ୍ ସବୁ ନେଇଥିଲେ ।
