ୟୁରୋପିୟ ଓପନ କ୍ୱାଟର ଫାଇନାଲରେ ପ୍ରବେଶ କଲେ ଏଣ୍ଡି ମରେ

(ଓଡିଶା ସ୍ପୋର୍ଟସ): ବ୍ରିଟେନର ପୂର୍ବତନ ନଂ୧ ଖେଳାଳୀ ଏଣ୍ଡି ମରେ ୟୁରୋପିୟ ଓପନ ଟେନିସ ଟୁର୍ଣ୍ଣାମେଣ୍ଟର କ୍ୱାଟର ଫାଇନାଲରେ ନିଜର ସ୍ଥାନ ସୁରକ୍ଷିତ କରିନେଇଛନ୍ତି । ମରେ ଭଲ ପ୍ରଦର୍ଶନ କରି ରାଉଣ୍ଡ ଅଫ୍-୧୬ର ମ୍ୟାଚରେ ଅରୁଗ୍ୱେର ପାଲ୍ୱୋ କୁୁଏଭାସଙ୍କୁ ୬-୪, ୬-୩ ସିଧା ସେଟରେ ପରାସ୍ତ କରିଛନ୍ତି । ମରେ ଓ କୁଏଭାସଙ୍କ ମଧ୍ୟରେ ଏହି ମୁକାବିଲା ମୋଟ ୮୪ ମିିନିଟ୍ ପର୍ଯ୍ୟନ୍ତ ଚାଲିଥିଲା । ପାଦରେ ଆଘାତ ଲାଗି ପର୍ତ୍ତ୍ୟାବର୍ତନ ପରେ ଏଟିପିର ଦୂର ସ୍ତର ପରେ ମରେଙ୍କ ଏହା କେବଳ ଷଷ୍ଠ ବିଜୟ ଅଟେ । ଦୁଇଥର ଭିମ୍ବଲଣ୍ଡନ ଚମ୍ପିଆନ ୩୬ ବର୍ଷିୟ ମରେ ଏବେ ଅନ୍ତିମ-୮ ରେ ରୋମାନିଆର ୱାଲର୍ଡ ନଂ ୯୨ ମେରିଉସ କୋପିଲଙ୍କ ସାମ୍ନର କରିବେ ।
ୱାଲର୍ଡ ନଂ ୪୫ କୁଏବାସ ମରେଙ୍କ ବିପକ୍ଷରେ ଫଳାଫଳକୁ ବଦଳାଇବା ପାଇଁ ପୁରା ଚେଷ୍ଟା କରିଥିଲେ, କିନ୍ତୁ ତାଙ୍କୁ ସଫଳତା ମିଳି ନ ଥିଲା । ସେ ସେଟରେ ୭ ବ୍ରେକ୍ ପଏଣ୍ଟ ବଞ୍ଚାଇଥିଲେ । ପ୍ରଥମ ସେଟରେ ମରେଙ୍କୁ ବିଜୟରୁ ଅଟକାଇପାରି ନ ଥିଲେ । ଦ୍ୱିତୀୟ ସେଟରେ ମଧ୍ୟ ମରେଙ୍କ ପ୍ରଭାବ ଦେଖିବାକୁ ମିଳିଥିଲା ଏବଂ ସେ ବହୁତ ସହଜରେ ସେଟ ଜିତି ମୁକାବିଲାକୁ ନିଜ ନାମରେ କରିଥିଲେ ।