ପ୍ରଥମଥର ପାଇଁ ଭାରିତୀୟ ଟ୍ୱେଣ୍ଟି -୨୦ଦଳରୁ ପୂର୍ବତନ ଅଧିନାୟକ ମେହେନ୍ଦ୍ର ସିଂହ ଧୋନି ବାଦ୍ ପଡ଼ିଛନ୍ତି । ୨୦୦୬ରେ ଭାରତ ସର୍ବପ୍ରଥମ ଟ୍ୱେଣ୍ଟ ୨୦ ମ୍ୟାଚ୍ ଖେଳା ଯାଇଥିବା ବେଳେ ସେବେଠାରୁ ଧୋନି କ୍ରମାଗତ ଭାବେ ଖେଳି ଆସୁଥିଲେ । ଏବେ ଧୋନି ଦ୍ରୁତ ଗତିରେ ସ୍କୋର କରିବାର ବିଫଳ ହୋଇଥିବାରୁ ବୋଧ ହୁଏ ତାଙ୍କୁ ଦଳରୁ ବାଦ୍ ଦିଆଯାଇଛି ।
ୱେଷ୍ଟଇଣ୍ଡିଜ ବିପକ୍ଷରେ ଖେଳାଯିବାକୁ ଥିବା ଟି-୨୦ ଶୃଙ୍ଖଳା ଏବଂ ଅଷ୍ଟ୍ରେଲିଆ ଗସ୍ତ ପାଇଁ ଭାରତୀୟ କ୍ରିକେଟ ଟିମ ନିଜର ଖେଳାଳିଙ୍କ ନାମ ଘୋଷଣା କରିଛି । ୱେଷ୍ଟଇଣ୍ଡିଜ ବିପକ୍ଷରେ ଟି-୨୦ ଶୃଙ୍ଖଳା ପାଇଁ ମହେନ୍ଦ୍ର ସିଂହ ଧୋନୀଙ୍କୁ ଭାରତୀୟ ଟିମରେ ସାମିଲ କରାଯାଇ ନାହିଁ । ଅଷ୍ଟ୍ରେଲିଆରେ ଖେଳାଯିବାକୁ ଥିବା ଟି-୨୦ରେ ପାଇଁ ମଧ୍ୟ ପୂର୍ବତନ କ୍ୟାପଟେନ ଧୋନୀଙ୍କୁ ଚୟନ କରାଯାଇ ନାହିଁ । ଭାରତୀୟ କ୍ରିକେଟ ଟିମର ପୂର୍ବତନ ଅଧିନାୟକଙ୍କୁ ଖରାପ ଫର୍ମ ଯୋଗୁଁ ବାହାର କରାଯାଇଛି ।
ନିୟମିତ ଅଧିନାୟକ ବିରାଟ କୋହଲିଙ୍କୁ ୱେଷ୍ଟଇଣ୍ଡିଜ ବିପକ୍ଷରେ ଟି-୨୦ ଶୃଙ୍ଖଳାରୁ ବିଶ୍ରାମ ଦିଆଯାଇଛି । ରୋହିତ ଶର୍ମାଙ୍କୁ ତାଙ୍କ ସ୍ଥାନରେ ଦାୟିତ୍ୱ ଦିଆଯାଇଛି । ଅଷ୍ଟ୍ରେଲିଆରେ ହେବାକୁ ଥିବା ଟେଷ୍ଟ ଶୃଙ୍ଖଳା ପାଇଁ ରୋହିତ ଶର୍ମାଙ୍କୁ ଟିମରେ ସ୍ଥାନ ମିଳିଛି । ସୂଚନାଯୋଗ୍ୟ ରୋହିତଙ୍କୁ ଦକ୍ଷିଣ ଆଫ୍ରିକା ଟେଷ୍ଟ ଶୃଙ୍ଖଳାରେ ଟିମରୁ ବାହାର କରି ଦିଆଯାଇଥିଲା । ରୋହିତ ଇଂଲଣ୍ଡ ଏବଂ ୱେଷ୍ଟଇଣ୍ଡିଜ ବିପକ୍ଷ ଶୃଙ୍ଖଳାରେ ଟିମର ଅଂଶ ନଥିଲେ । ଅଷ୍ଟ୍ରେଲିଆ ବିପକ୍ଷରେ ଟି-୨୦ ଶୃଙ୍ଖଳାରେ ବିରାଟ କୋହଲି ଫେରିବେ । ଧୋନିଙ୍କ ସ୍ଥାନ ନେବେ ଋଷଭ ପନ୍ତ । ପନ୍ତଙ୍କ ବ୍ୟତୀତ ପାର୍ଥିବ ପଟେଲଙ୍କୁ ମଧ୍ୟ ଟିମରେ ସାମିଲ କରାଯାଇଛି ।
