(ଓଡିଶା ସ୍ପୋର୍ଟ): ଚତୁର୍ଥ ଦିନିକିଆରେ ଭାରତ ୩୫୮ ରନ କରି ସୁଧା ପରାଜିତ ହୋଇଛି । ଗତକାଲି ମୋହାଲିରେ ଖେଳାଯାଇଥିବା ମ୍ୟାଚରେ ଭାରତୀୟ ଦଳର ଫିଲ୍ଡିଂ ଅତି ଖରାପ ଥିଲା । କେଦାର ଯାଦବଙ୍କଠୁ ନେଇ ଶିଖର ଧାୱନଙ୍କ ପର୍ୟ୍ୟନ୍ତ ସମସ୍ତଙ୍କ ଫିଲ୍ଡିଂ ନୈରାଶ୍ୟଜନକ ଥିଲା । ଖେଳାଳିମାନେ ଅନେକ ସହଜ ସୁଯୋଗ ହାତଛଡା କରିଥିଲେ । କିନ୍ତୁ ୪୪ତମ ଓଭରରେ ଯୁବ କ୍ରିକେଟର ଋଷଭ ପନ୍ତଙ୍କ ଏକ ବଡ ଭୁଲ ମ୍ୟାଚର ମୋଡ ବଦଳାଇଦେଇଥିଲା । ଯାହା ଦଳ ଉପରେ ଭାରି ପଡିଥିଲା ।
ଅନେକ ସୁଯୋଗ ପନ୍ତ ହାତଛଡା କରିଥିଲେ । ପନ୍ତ ଟର୍ଣ୍ଣରଙ୍କ ମଧ୍ୟ ଏକ ଷ୍ଟମ୍ପିଂ ହାତଛଡା କରିଥିଲେ । ଟର୍ଣ୍ଣର ଗତକାଲିର ମ୍ୟାଚରେ ମାତ୍ର ୪୩ବଲରେ ୮୪ରନ କରିଥିଲେ । ଫଳରେ କଙ୍ଗାରୁ ଏହି ମ୍ୟାଚକୁ ୪୭.୫ ଓଭରରେ ୩୫୯-୬ ରନ ସ୍କୋର କରି ମ୍ୟାଚ ଜିତିନେଇଥିଲା।
ଋଷଭ ପନ୍ତଙ୍କ ଷ୍ଟମ୍ପିଂଙ୍କୁ ନେଇ କୋହଲି କହିଛନ୍ତି ଯେ, ଷ୍ଟମ୍ପିଂ ମହତ୍ୱପୂର୍ଣ୍ଣ ଥିଲା । କିନ୍ତୁ ଏହା ଭଲ ହୋଇନଥିଲା । ଦଳକୁ ଆହୁରି ଭଲ ପ୍ରଦର୍ଶନ କରିବାକୁ ହେବ । ଏଠାରେ ପୂର୍ବରୁ କାକର ପଡିବାର ସମ୍ଭାବନା ଥିଲା । ତେବେ ପ୍ରଥମେ ବ୍ୟାଟିଂ ନିଷ୍ପତି ଭୁଲ ନୁହେଁ ବୋଲି କୋହଲି କହିଛନ୍ତି ।
