(ଓଡିଶା ସ୍ପୋର୍ଟସ): ଦୁଇ ଦୁଇ ଥର ଆଣ୍ଠୁ ଅପରେସନରୁ ସୁସ୍ଥ ହୋଇଥିବା ରୋଜର ଫେଡେରର ବର୍ତ୍ତମାନ ୨୦୨୧ ଟେନିସ୍ ଋତୁ ଏବଂ ଟୋକିଓ ଅଲିମ୍ପିକ୍ସ ଉପରେ ନଜର ରଖିଛନ୍ତି ।
ଫେଡେରର ସୋମବାର କହିଛନ୍ତି ଯେ ସେ ବର୍ତ୍ତମାନ ଟପ୍ ଲେଭଲ୍ ଟେନିସ୍ ଖେଳି ପାରିବେ ନାହିଁ, କିନ୍ତୁ ସେ ଏହା ଆଡକୁ ଦ୍ରୁତ ଗତିରେ ଯାଉଛନ୍ତି ।
ଅନଲାଇନରେ ପ୍ରଶଂସକଙ୍କ ପ୍ରଶ୍ନର ଉତ୍ତର ଦେଇ ସେ କହିଛନ୍ତି, ‘ମୁଁ ବର୍ତ୍ତମାନ ଭଲ ଅନୁଭବ କରୁଛି’ । ଫେଡେରର, ୨୦ ଥର ଗ୍ରାଣ୍ଡସ୍ଲାମ ଚାମ୍ପିଅନ୍, ସିଙ୍ଗଲ୍ସରେ କେବେବି ଅଲିମ୍ପିକ୍ ସ୍ୱର୍ଣ୍ଣ ଜିତି ନାହାଁନ୍ତି । ସେ କହିଛନ୍ତି ମୁଁ ଆସନ୍ତା ବର୍ଷ ଏହି ଇଚ୍ଛା ପୂରଣ କରିବାକୁ ଚାହୁଁଛି।
ଅଲିମ୍ପିକ୍ ଫାଇନାଲ୍ ୧ ଅଗଷ୍ଟ ୨୦୨୧ରେ ଅନୁଷ୍ଠିତ ହେ ବ। ଫେଡେରର ଏକ ସପ୍ତାହ ପରେ ୪୦ ବର୍ଷ ପୁରଣ କରିବେ। ସେ ବେଜିଂ ଅଲିମ୍ପିକ୍ସ ୨୦୦୮ ରେ ତାଙ୍କ ସ୍ୱିସ୍ ପାର୍ଟନର ଷ୍ଟାନ୍ ୱାଉରିଙ୍କାଙ୍କ ସହ ଡବଲ୍ସ ସ୍ୱର୍ଣ୍ଣ ଜିତିଥିଲେ ।
