ଭାରତୀୟ କ୍ରିକେଟ ପାଇଁ ଐତିହାସିକ ଦିନ

ନୂଆଦିଲ୍ଲୀ(ଓଡିଶା ସ୍ପୋର୍ଟସ): ଭାରତୀୟ କ୍ରିକେଟ ଇତହିହାସର ଆଜି ହେଉଛି ଏକ ଐତିହାସିକ ଦିନ । ଆଜି ଗୋଟିଏ ଦିନରେ ଭାରତର ଦୁଇଟି ଦଳ ଦୁଇଟି ସ୍ଥାନରେ ଦୁଇ ଅଲଗା ପ୍ରତିଦ୍ୱନ୍ଦୀ ବିପକ୍ଷରେ ମ୍ୟାଚ ଖେଳିବ । ଗୋଟିଏ ପଟେ ଶ୍ରୀଲଙ୍କା ଗସ୍ତରେ ଥିବା ଶିଖର ଧୱନଙ୍କ ଅଧିନାୟକତ୍ୱରେ ଭାରତ ମ୍ୟାଚ ଖେଳୁଥିବା ବେଳେ ଅନ୍ୟପଟେ ନିୟମିତ ଅଧିନାୟକ ବିରାଟ କୋହଲୀ ଇଂଲଣ୍ଡ ବିରୁଦ୍ଧରେ ପ୍ରାକ୍ଟିସ ମ୍ୟାଚ ଖେଳିବେ ।
ଇଂଲଣ୍ଡ ବିପକ୍ଷ ପାଞ୍ଚମ୍ୟାଚ ବିଶିଷ୍ଟ ଟେଷ୍ଟ ସିରିଜ ଅଗଷ୍ଟ ୪ ତାରିଖରୁ ଆରମ୍ଭ ହେବାକୁ ଯାଉଛି । ତେବେ ଆଜିଠାରୁ ଟିମ ଇଣ୍ଡିଆ କାଉଣ୍ଟି ସିଲେକ୍ଟ ଇଲେଭେନ ବିପକ୍ଷରେ ମ୍ୟାଚ ଖେଳିବାକୁ ଯାଉଛି । ସେହିପରି ଅନ୍ୟପକ୍ଷରେ ଧୱନଙ୍କ ନେତୃତ୍ୱରେ ଶ୍ରୀଲଙ୍କା ବିପକ୍ଷରେ ମଇଦାନକୁ ଓହ୍ଲାଇଛି ଭାରତର ଟିମ ବି । ୩ଟି ଲେଖାଏଁ ଦିନିକିଆ ଏବଂ ଟି-ଟ୍ୱେଣ୍ଟି ଖେଳିବାକୁ ଶ୍ରୀଲଙ୍କା ଗସ୍ତରେ ଥିବା ଦଳ ପ୍ରଥମ ମ୍ୟାଚରେ ବିଜୟୀ ହୋଇ ସିରିଜରେ ୧-୦ ରେ ଅଗ୍ରଣୀ ଲାଭ କରିଛି । ତେବେ ଆଜି ଉଭୟଙ୍କ ମଧ୍ୟରେ ଦ୍ୱିତୀୟ ମ୍ୟାଚ ଖେଳାଯାଉଛି । ରୋଚକ କଥା ହେଉଛି ଉଭୟ ଯାକ ମ୍ୟାଚ ଟେଲିଭିଜନ ମାଧ୍ୟମରେ ପ୍ରସାରଣ କରାଯିବ ।