ଟୋକିଓ: ଜାଭେଲିନ ଥ୍ରୋରେ ପୁଣି ଇତିହାସ ରଚିଲା ଭାରତ । ଟୋକିଓ ଅଲିମ୍ପିକ୍ସ ପରେ ପାରା ଅଲିମ୍ପିକ୍ସରେ ବି ବାଜିଲା ଭାରତର ଡଙ୍କା । ବ୍ରୋଞ୍ଜ ପଦକ ହାସଲ ପରେ ସ୍ୱର୍ଣ୍ଣ ପଦକ ମଧ୍ୟ ଭାରତ ହାସଲ କରିଛି । ଏହା ସହିତ ଭାରତକୁ ମିଳିଛନ୍ତି ଆଉ ଜଣେ ସୁନା ପୁଅ । ନିଜ ରେକର୍ଡକୁ ତିନି ଥର ଭାଙ୍ଗିବା ପରେ ଷଷ୍ଠ ଦିନରେ ଦେଶ ପାଇଁ ପଦକ ଆଣିଛନ୍ତି ଭାରତର ସୁମିତ ଆନ୍ତିଲ । ଟୋକିଓରେ ଚାଲିଥିବା ପାରା ଅଲିମ୍ପିକ୍ସର ପୁରୁଷ ଜାଭେଲିନ ଥ୍ରୋ’ ଏଫ-୬୪ ବର୍ଗରେ ଐତିହାସିକ ସଫଳତା ହାସଲ କରିଛନ୍ତି ସୁମିତ । ୬୮.୦୮ ମିଟର ଲମ୍ବ ଅତିକ୍ରମ କରି ବିଶ୍ୱ ରେକର୍ଡ ସ୍ଥାପନ କରିବା ସହ ସ୍ୱର୍ଣ୍ଣ ପଦକ ଉପରେ ସୁନୀଲ ନିଜ ଅଧିକାର ସାବ୍ୟସ୍ତ କରିଛନ୍ତି । ଭାରତ ସପ୍ତମ ପଦକ ଏହି ସ୍ୱର୍ଣ୍ଣ ପଦକ ହାସଲ କରିଛି ।
G🥇LD FOR INDIA! 🇮🇳
Sumit Sumit wins #gold in the men's javelin throw F64 with a new world record of 68.08!
First #ParaAthletics gold medal for @ParalympicIndia at #Tokyo2020 #silver Michal Burian #AUS 66.29 #bronze Dulan Kodithuwakku #SRI 65.61 #Paralympics pic.twitter.com/RxI9nZmyEU
— #ParaAthletics #Tokyo2020 (@ParaAthletics) August 30, 2021
ଇଭେଣ୍ଟର ଫାଇନାଲରୁ ହିଁ ଚମତ୍କାର ପ୍ରଦର୍ଶନ କରିଥିଲେ ସୁମିତ । ପ୍ରଥମ ପ୍ରୟାସରେ ୬୬.୯୫ଯାହା ତାଙ୍କ ପ୍ରତିଦ୍ୱନ୍ଦୀମାନଙ୍କୁ ହରାଇବା ପାଇଁ ଯଥେଷ୍ଟ ଥିଲା । ତେବେ ଦ୍ୱିତୀୟ ପ୍ରୟାସରେ ୬୮.୦ ମିଟର ଥ୍ରୋ କରିଥିବା ବେଳେ ତୃତୀୟ ପ୍ରୟାସରେ ଏହା ସାମାନ୍ୟ ଖସିଥିଲା । ତୃତୀୟ ପ୍ରୟାସରେ ସୁମିତ ମାତ୍ର ୬୫.୨୭ ମିଟର ଥ୍ରୋ କରିପାରିଥିଲେ । ତେବେ ଚତୁର୍ଥ ପ୍ରୟାସରେ ପୁଣି ତାଙ୍କ ଦୂରତାରେ ବୃଦ୍ଧି ପାଇଥିଲା । ଚତୁର୍ଥ ପ୍ରୟାସରେ ୬୬.୭୧ ଏବଂ ପଞ୍ଚମ ପ୍ରୟାସରେ ସର୍ବାଧିକ ୬୮.୫୫ ମିଟର ଲମ୍ବ ଥ୍ରୋ କରି ବିଶ୍ୱ ରେକର୍ଡ ସୃଷ୍ଟି କରିଥିଲେ । ପ୍ରତିଦ୍ୱନ୍ଦୀ ଅଷ୍ଟ୍ରେଲିଆର ମାଇକେଲ ବୁରିଆନ ୬୬.୨୯ ମିଟର ଥ୍ରୋ କରି ରୌପ୍ୟ ଏବଂ ଶ୍ରୀଲଙ୍କାର ଦୁଲାନ କୋଡିଥୁୱା ବ୍ରୋଞ୍ଜ ପଦକ ହାସଲ କରିପାରିଛନ୍ତି । ତେବେ ଭାରତର ଅନ୍ୟତମ ଖେଳାଳୀ ସନ୍ଦୀପ ଚୌଧୁରୀ କୌଣସି ପଦକରୁ ବଞ୍ଚିତ ହୋଇଛନ୍ତି ।
ଭାରତ ଚଳିତ ଗେମ୍ସରେ ୨ ସ୍ୱର୍ଣ୍ଣ, ୪ ରୌପ୍ୟ ଓ ଗୋଟିଏ ବ୍ରୋଞ୍ଜ ପଦକ ଜିତିଛି। ତେବେ ବିନୋଦ କୁମାର ଅଯୋଗ୍ୟ ଘୋଷିତ ହେବାରୁ ସେ ବ୍ରୋଞ୍ଜ ପଦକ ହରାଇଛନ୍ତି। ସୋମବାର ଅବନୀ ଶୁଟିଂ ଇଭେଣ୍ଟରେ ମହିଳାଙ୍କ ଆର୍-୨ ୧୦ ମିଟର୍ ଏୟାର୍ ରାଇଫଲ୍ କ୍ଲାସ୍ ଏସଏଚ୍-୧ରେ ସ୍ୱର୍ଣ୍ଣ ପଦକ ଜିତିଥିଲେ। ସେ ମଧ୍ୟ ପାରାଲିମ୍ପିକ୍ସରେ ପ୍ରଥମ ମହିଳା ଭାବେ ସ୍ୱର୍ଣ୍ଣ ପଦକ ଜିତିଛନ୍ତି।
