କାନପୁର: ଭାରତ-ନ୍ୟୁଜିଲାଣ୍ଡ ବିପକ୍ଷ ପ୍ରଥମ ମ୍ୟାଚ ଶେଷ ସୁଦ୍ଧା ଭାରତ ୪ ୱିକେଟ ବିନିମୟରେ ୨୫୮ ରନରେ ପହଞ୍ଚିଛି । ଟସ ଜିତି ପ୍ରଥମେ ବ୍ୟାଟିଂ ନିଷ୍ପତ୍ତି ନେଇଥିଲା ଅଜିଙ୍କ୍ୟ ଆର୍ମି । ତେବେ ଦଳର ଓପନର ମୟଙ୍କ ଅଗ୍ରୱାଲ ନିରାଶ କରି ପାଭିଲିୟନ ଫେରିଛନ୍ତି । ମାତ୍ର ୧୩ ରନ କରି କାଏଲ ଜ୍ୟାମିସନଙ୍କ ଶିକାର ହୋଇଥିଲେ । ତେବେ ଚେତେଶ୍ୱର ପୂଜାରାଙ୍କ ସହ ମିଶି ସ୍ଥିତି ସୁଧାରିଥିଲେ ଶୁଭମାନ ଗିଲ । ଏହାପରେ ଭଲ ଆରମ୍ଭ ପରେ ମଧ୍ୟ ୨୬ ରନ କରି ଆଉଟ ହୋଇଥିଲେ ପୂଜାରା । କିନ୍ତୁ ଧୈର୍ଯ୍ୟର ସହ ବ୍ୟାଟିଂ କରି ୯୩ ବଲରୁ ୫ ଚୌକା ଏବଂ ଗୋଟିଏ ଛକା ବଳରେ ୫୨ ରନକରି ଆଉଟ ହୋଇଛନ୍ତି ହାସଲ କରିଥିଲେ । ସେହିଭଳି ଅଧିନାୟକ ଅଜିଙ୍କ୍ୟ ରାହାଣେ ମଧ୍ୟ ମାତ୍ର ୩୫ ରନ କରି ଫେଲ ମାରିଥିଲେ । ଶ୍ରେୟସ୍ ଆୟର ୧୩୬ ବଲ ଖେଳି ୭ ଚୌକା ଏବଂ ୨ଟି ଛକା ସହାୟତାରେ ୭୫ ରନ କରି ଅପରାଜିତ ଥିବା ବେଳେ ଅଲରାଉଣ୍ଡର ତଥା ଭେଟେରାନ୍ ରବିନ୍ଦ୍ର ଜାଡେଜା ଚମତ୍କାର ଇନିଂସ ଖେଳି ୧୦୦ ବଲରୁ ୬ଚୌକା ସହାୟତାରେ ୫୦ ରନକରି ଅପରାଜିତ ଅଛନ୍ତି ।
ନ୍ୟୁଜିଲାଣ୍ଡ ପକ୍ଷରୁ କାଇଲ ଜିମିସନ୍ ଏକମାତ୍ର ସଫଳ ବୋଲର ଭାବେ ୧୫.୨ ଓଭର ବୋଲିଂକରି ୪୭ ରନ ଦେଇ ୩ଟି ଓ୍ବିକେଟ ନେଇଥିବା ବେଳେ, ଟିମ୍ ସାଉଦି ୧୬.୪ ଓଭର ବୋଲିଂ କରି ୪୩ ରନ ଦେଇ ୧ ଓ୍ବିକେଟ ନେଇଛନ୍ତି ।
